સૈફ અલી ખાનની 'શેફ'નું ટ્રેલર રિલીઝ

I am Gujarat

પિતા-પુત્રના સંબંધ પર આધારિત છે ‘શેફ’

સૈફ અલી ખાનની ફિલ્મ ‘શેફ’નું ટ્રેલર રિલીઝ થઈ ગયું છે. ટ્રેલરમાં પિતા-પુત્રના સંબંધ ખૂબ સારી રીતે રજૂ કરવામાં આવ્યો છે. ટ્રેલરને જોઈને એટલું સ્પષ્ટ થઈ ગયું છે કે, ફિલ્મમાં સૈફ એક એવા પિતાનું પાત્ર ભજવી રહ્યો છે વિદેશમાં રહે છે અને પૈસા કમાવવાના ચક્કરમાં પોતાના એકમાત્ર પુત્રને સમય આપી શકતો નથી.

શું છે ફિલ્મની વાર્તા

ફિલ્મમાં શેફનું પાત્ર ભજવી રહેલો સૈફ પોતાના દીકરાની ખુશી માટે ભારત આવે છે અને જ્યારે તે પરત જવાની તૈયારી કરે છે ત્યારે વાર્તામાં એક એવો વળાંક આવે છે કે, તે નોકરી છોડીને ભારતમાં જ રહીને કામ કરવાનો નિર્ણય લે છે. આનાથી પિતા-પુત્રનો સંબંધ ફરી એકવાર મજબૂત થઈ જાય છે.

હોલિવૂડ ફિલ્મ ‘શેફ’ની રીમેક

31 ઑગષ્ટે રિલીઝ થયેલા આ ટ્રેલરને એક કલાકથી પણ ઓછા સમયમાં 50 હજારથી વધુ વખત જોવામાં આવ્યું છે. ‘એરલિફ્ટ’ ફિલ્મના નિર્દેશક રાજ કૃષ્ણન મેનનની આ ફિલ્મ હોલિવૂડની હિટ ફિલ્મ ‘શેફ’ની રીમેક છે. આ ફિલ્મ 6 ઑક્ટોબરના રોજ રિલીઝ થશે.

જુઓ ફિલ્મનું ટ્રેલર