પોતાના કરતા ઘણી નાની ઉંમરની આ એક્ટ્રેસિસ સાથે સલમાને કર્યો છે ઓનસ્ક્રીન રોમાન્સ

આજે બોલિવૂડના સુપરસ્ટાર સલમાન ખાનનો 54મો જન્મદિવસ છે, તારીખ 27 ડિસેમ્બર, 1965ના દિવસે મધ્યપ્રદેશના ઈન્દોરમાં સલમાન ખાનનો જન્મ થયો હતો. વર્ષ 1988માં આવેલી બોલિવૂડ ફિલ્મ ‘બીવી હો તો ઐસી’થી સલમાન ખાને તેના ફિલ્મી કરિયરની શરૂઆત કરી હતી પણ આ ફિલ્મ બોક્સ ઓફિસ પર ખાસ કમાલ દેખાડી શકી નહોતી. પણ, 1989માં આવેલી સલમાનની બીજી ફિલ્મ ‘મેંને પ્યાર કિયા’ બોક્સઓફિસ પર હિટ રહી. સલમાન ખાને તેના ફિલ્મી કરિયરમાં ઘણી એવી એક્ટ્રેસ સાથે ઓનસ્ક્રીન રોમાન્સ કર્યો છે કે જેની ઉંમર તેના કરતા અડધી હોય! હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો એક્ટ્રેસ જેકલીન ફર્નાન્ડિઝ સાથે સલમાન ખાને ‘કિક’ અને ‘રેસ-3’ જેવી ફિલ્મોમાં કામ કર્યું છે, જેકલીન ફર્નાન્ડિઝની જન્મતારીખ 11 ઓગસ્ટ, 1985 છે. વર્ષ 2014માં જ્યારે ‘કિક’ ફિલ્મ રિલીઝ થઈ ત્યારે જેકલીન ફર્નાન્ડિઝની ઉંમર આશરે 29 વર્ષ હતી. સલમાન ખાને એક્ટ્રેસ સોનમ કપૂર સાથે ફિલ્મ ‘પ્રેમ રતન ધન પાયો’માં કામ કર્યું હતું, સોનમ કપૂરની જન્મતારીખ 9 જૂન, 1985 છે. વર્ષ 2015માં જ્યારે ‘પ્રેમ રતન ધન પાયો’ રિલીઝ થઈ ત્યારે સોનમ કપૂરની ઉંમર 30 વર્ષ હતી. સલમાન ખાને એક્ટ્રેસ અનુષ્કા શર્મા સાથે ફિલ્મ ‘સુલતાન’માં કામ કર્યું હતું, અનુષ્કા શર્માની જન્મતારીખ 1 મે, 1988 છે. વર્ષ 2016માં જ્યારે ફિલ્મ ‘સુલતાન’ રિલીઝ થઈ ત્યારે અનુષ્કા શર્માની ઉંમર 27 વર્ષ હતી. સલમાન ખાને એક્ટ્રેસ કરીના કપૂર સાથે ‘બૉડીગાર્ડ’ અને ‘બજરંગી ભાઈજાન’ જેવી ફિલ્મોમાં કામ કર્યું છે. કરીના કપૂરની જન્મતારીખ 21 સપ્ટેમ્બર, 1980 છે. જ્યારે વર્ષ 2015માં ‘બજરંગી ભાઈજાન’ ફિલ્મ રિલીઝ થઈ ત્યારે કરીના કપૂરની ઉંમર 34 વર્ષ હતી. કેટરીના કૈફ સાથે સલમાન ખાને ‘પાર્ટનર’, ‘એક થા ટાઈગર’ સિરીઝમાં કામ કર્યું છે. કેટરીના કૈફની જન્મતારીખ 16 જુલાઈ, 1983 છે. તેની ઉંમર સલમાન ખાન કરતા આશરે 20 વર્ષ ઓછી છે. સોનાક્ષી સિંહા સાથે સલમાન ખાને ‘દબંગ’માં કામ કર્યું, સોનાક્ષી સિંહાનો જન્મ વર્ષ 1987માં થયો જ્યારે એક્ટ્રેસ ઝરીન ખાનનો જન્મ પણ વર્ષ 1987માં થયો અને તેની સાથે પણ સલમાન ખાને ફિલ્મ ‘વીર’માં કામ કર્યું હતું. આ બંને એક્ટ્રેસે 30 વર્ષ કરતા પણ નાની ઉંમરમાં સલમાન ખાન સાથે ઓનસ્ક્રીન રોમાન્સ કર્યો હતો. ફિલ્મ ‘ભારત’માં એક્ટ્રેસ દિશા પટની સલમાન ખાન સાથે જોવા મળી હતી. દિશા પટનીની ઉંમર 25 વર્ષ છે જ્યારે સલમાન ખાનની ઉંમર 54 વર્ષ છે. ફિલ્મ ‘ભારત’ આ વર્ષે રિલીઝ થઈ હતી. આ સિવાય સલમાન ખાને ફિલ્મ ‘જય હો’માં એક્ટ્રેસ ડેઝી શાહ સાથે એક્ટિંગ કરી હતી અને ‘જય હો’ રિલીઝ થઈ ત્યારે ડેઝી શાહની ઉંમર 30 વર્ષ હતી.