સંજય દત્તના લેટેસ્ટ કેન્સર ટેસ્ટમાં મળી સારી ખબર, પરિવારના સભ્યે આપી જાણકારી

એક્ટર સંજય દત્ત હાલમાં કેન્સર સામે જંગ લડી રહ્યો છે અને તેના પરિવારના એક સદસ્યએ સારી ખબર આપી છે. સંજય દત્ત ટ્રીટમેન્ટને સારો રિસ્પોન્સ આપી રહ્યા છે. રિપોર્ટ્સ મુજબ, હાલમાં જ તેમના ટેસ્ટ બાદ આ જાણકારી તેમના નિકટના વ્યક્તિ તરફથી આપવામાં આવી છે. સંજય દત્તે ઓગસ્ટમાં કામ પરથી બ્રેક લેવાની જાહેરાત કરી હતી. આ વચ્ચે તેના ફેફસાના કેન્સરની જાણકારી સામે આવી હતી.

સંજય દત્તના એક ફેમિલી મેમ્બર મુજબ, ખબર હતી કે તેની પાસે જીવવા માટે છ મહિના છે અથવા આટલા મહિના છે એવી વાત ક્યારેય નહોતી. તેમને એક બાજુના ફેફસામાં કેન્સર થયું હતું. તેની સારવાર મુંબઈમાં શરૂ થઈ અને તેમણે સારવારને સારી રીતે રિસ્પોન્ડ કર્યો. તેમણે આગળ કહ્યું કે, તે આજે ટેસ્ટ માટે ગયા હતા અને રિઝલ્ટ ખૂબ જ સારા આવ્યા છે. ભગવાનની કૃપા અને બધાના આશીર્વાદથી તેમનું બોડી સારું રિસ્પોન્ડ કરી રહ્યું છે.

હાલમાં દુબઈથી પાછા આવ્યા બાદ સંજય દત્તે કેન્સરના સારવાર વચ્ચે પહેલીવાર સેલેબ્રિટી હેર સ્ટાઈલિસ્ટ આલિમ કહીમના સલૂનમાં ગયા હતા. આ પહેલા માન્યતા દત્તે એક નિવેદન જાહેર કર્યું હતું જેમાં લખ્યું હતું, સંજૂ હંમેશા એક ફાઈટર રહ્યા છે, અને આથી અમારો પરિવાર પણ આવો જ છે. આગળની મુશ્કેલીઓનો સામનો કરવા માટે ભગવાને ફરીથી અમને પરીક્ષણ માટે પસંદ કર્યા છે. અમે તમારી પ્રાર્થના અને આશીર્વાદ ઈચ્છીએ છીએ. અમે જાણીએ છીએ કે તે હંમેશા ફરીથી વિજેતા બનીને આવશે.

હાલમાં વાઈરલ થયો હતો વિડીયો
સંજય દત્તની છેલ્લી ફિલ્મ 'સડક 2' હતી. હાલમાં જ તેનો એક વિડીયો વાઈરલ થયો હતો. સંજય તેમાં હળવા અંદાજમાં જોવા મળી રહ્યો હતો. તેણે વિડીયોમાં કહ્યું હતું કે, તે જલ્દી જ સાજા થઈ જશે. સંજય આ વિડીયોમાં જણાવ્યું હતું કે તે કામ પર કમબેક કરી ચૂક્યા છે. તે 'KGF: Chapter 2'ના શૂટિંગ નવેમ્બરમાં શરૂ કરશે.

વર્કફ્રન્ટની વાત કરીએ તો સંજય દત્ત ભૂજઃ ધ પ્રાઈટ ઓફ ઈન્ડિયામાં અજય દેવગણ સાથે જોવા મળશે આ સાથે તે પૃથ્વીરાજમાં પણ અક્ષય કુમાર સાથે કામ કરશે. સંજય દત્ત નરગિસ ફખરી અને રાહુલ દેવ સાથે તોરબાજમાં પણ કામ કરી રહ્યા છે.