'KGF ચેપ્ટર 2: કોલર ગોલ્ડ ફિલ્ડ્સ'
આ ફિલ્મમાં સંજય દત્ત વિલનના રોલમાં છે. 2018ની આ કન્નડ ફિલ્મમાં યશ લીડ રોલમાં છે. આ ફિલ્મના થોડા હિસ્સાનું શૂટિંગ બાકી છે, જે એપ્રિલ 2020માં થવાનું હતું પરંતુ કોરોના વાયરસના લીધે લોકડાઉન જાહેર થતાં યોજના પર પાણી ફરી વળ્યું. ફિલ્મના એક્ઝિક્યુટિવ પ્રોડ્યુસર કાર્તિક ગૌડાએ કહ્યું, "અમારી ફિલ્મનું 20 દિવસનું જ કામ બાકી છે જેમાંથી સંજય દત્ત સાથે 2-3 દિવસનું શૂટ બાકી છે. જો કે, તે સીન એટલા મહત્વના નથી અને અમે કોઈ રીતે સંભાળી લઈશું. મેં હાલમાં જ સંજય દત્ત સાથે વાત કરી હતી અને તેમની તબિયત સારી છે, ચિંતાની વાત નથી."
'ભૂજ: ધ પ્રાઈડ ઓફ ઈન્ડિયા'
1971ના ઈન્ડો-પાક યુદ્ધની પટકથા આધારિત આ ફિલ્મ સત્ય ઘટના પરથી બનાવાઈ છે. આ ફિલ્મમાં સંજય દત્ત રણછોડદાસ સવાભાઈ રબારીના રોલમાં છે. જે સોનાક્ષી સિન્હા (સુંદેરાબેનના રોલમાં)ની 300 મહિલાઓની ટીમને એક રાતમાં ભૂજ એરસ્ટ્રીપનું નિર્માણ કરવામાં મદદ કરે છે. દુશ્મનો દ્વારા આ એરસ્ટ્રીપ દ્વસ્ત કરવામાં આવી હતી. આ ફિલ્મમાં અજય દેવગણ સ્ક્વોડ્રન લીડર વિજય કર્ણિકના રોલમાં છે જેને યુદ્ધ દરમિયાન એરસ્ટ્રીપનું સમારકામ કરાવવાની જવાબદારી સોંપાઈ હતી. આ ફિલ્મ લગભગ પૂરી થઈ ગઈ છે. માત્ર 10 દિવસનું પેચવર્ક અને થોડું ડબિંગ બાકી છે. સંજય દત્તે આ ફિલ્મનું શૂટિંગ કરી દીધું છે પરંતુ ડબિંગ બાકી છે.
'શમશેરા'
આ ફિલ્મમાં રિયલ લાઈફ સંજુ અને રીલ લાઈફ સંજુ રણબીર કપૂર એકસાથે જોવા મળશે. આ ફિલ્મ 19મી સદીના બેકડ્રોપ પર આધારિત છે, જેમાં રણબીર કપૂર બ્રિટિશ રાજને પડકારતા ડાકુના રોલમાં છે. જ્યારે સંજય દત્ત શુદ્ધ સિંહના નેગેટિવ રોલમાં છે. કરણ મલ્હોત્રાએ ડાયરેક્ટ કરેલી આ ફિલ્મ લગભગ પૂરી થઈ ગઈ છે. માત્ર રણબીર સાથે અઠવાડિયાનું પેચવર્ક શૂટિંગ બાકી છે. સંજય દત્તના હિસ્સાનું શૂટિંગ પૂરું થઈ ગયું છે માત્ર ડબિંગ બાકી છે.
'પૃથ્વીરાજ'
આ ફિલ્મના લીડ રોલમાં અક્ષય કુમાર છે અને સંજય દત્ત પણ મહત્વના રોલમાં જોવા મળશે. કેટલાક અહેવાલો મુજબ સંજય દત્ત ફિલ્મમાં પૃથ્વીરાજના કાકાનો રોલ કરશે તો અન્ય અહેવાલો મુજબ સંજુબાબા સંયુક્તાના પિતા જયચંદનો રોલ કરશે. સંજય દત્તે ફિલ્મ માટે 10-14 જેસલમેરમાં અક્ષય કુમાર સાથે શૂટિંગ કર્યું હતું. પરંતુ કોરોના મહામારીના કારણે માર્ચ મહિનાથી શૂટિંગ અટકી પડ્યું છે. આ ફિલ્મની ટીમ નવેમ્બરથી મુંબઈમાં શૂટિંગ ફરી શરૂ કરે તેવી સંભાવના છે. આ ફિલ્મ દ્વારા માનુષી છિલ્લર એક્ટિંગ ડેબ્યૂ કરશે.
અન્ય પ્રોજેક્ટ્સ
ગયા વર્ષે (10 સપ્ટેમ્બર, 2019) મિરરને આપેલા ઈન્ટરવ્યૂમાં સંજય દત્તે અને પત્ની માન્યતા દત્તે હોમ પ્રોડક્શનની ફિલ્મો વિશે વાત કરી હતી. જેમાં સંજય પૂરણ સિંહના નિર્દેશનમાં બનનારી ફિલ્મ 'ગલી કા અલી'નો પણ સમાવેશ થાય છે. ઋષિ કપૂર સાથે પણ સંજય દત્તની એક ફિલ્મ હતી પરંતુ આ વર્ષે જ 30 એપ્રિલે તેમનું અવસાન થયું છે. આ સિવાય એક હોરર કોમેડી 'વર્જિન ટ્રી' પણ સંજય દત્ત કરવાના છે જેમાં તેઓ વર્જિન બાબાનો રોલમાં હશે, તેમ માન્યતાએ જણાવ્યું હતું. સમીર કર્ણિક સાથે 'ડોગહાઉસ' નામની કોમેડી ફિલ્મ સંજુબાબા કરવાના હોવાની ચર્ચા પણ છે.