મુંબઈઃ રણબીર કપૂર સ્ટારર ફિલ્મ સંજુએ બોક્સ ઓફિસ પર કમાણી મામલે ધમાલ મચાવી છે. રણબીરની આ ફિલ્મને લાંબા સમય સુધી ફેન્સ ભુલી શકશે નહીં. ફિલ્મે પોતાના બીજા વિકેન્ડમાં પણ 62 કરોડથી વધુની કમાણી કરીને નવો ઈતિહાસ રચી દીધો છે.
10માં દિવસે થયું 28 કરોડનું કલેક્શન
રાજકુમાર હિરાનીના નિર્દેશનમાં સંજય કપૂરના જીવન પર બનેલી ફિલ્મ સંજૂએ બીજા રવિવારે એટલે કે 10મા દિવસે બોક્સ ઓફિસમાં 28 કરોડ 5 લાખ રૂપિયાની કમાણી કરી છે. ફિલ્મને શનિવારે 22 કરોડ બે લાખ રૂપિયાની કમાણી થઈ હતી. તો બીજા શુક્રવારે 12 કરોડ 90 લાખ રૂપિયા મળ્યા હતા.
બ્લોકબસ્ટરની શ્રેણીમાં આવી ફિલ્મ
આવી રીતે સંજુએ બીજા અઠવાડિયામાં 62 કરોડ 97 લાખ રૂપિયાનું કલેક્શન કરી લીધું છે. ફિલ્મની કુલ કમાણી 265 કરોડ 48 લાખ રૂપિયા છે. આટલી સારી કમાણી બાદ ફિલ્મ સંજૂ બ્લોકબસ્ટરની શ્રેણીમાં આવી ગઈ છે. ફિલ્મે માત્ર 10 જ દિવસમાં 250 કરોડનો આંકડો પાર કરી લીધો છે અને આ અઠવાડિયામાં ફિલ્મ 300 કરોડ સુધી પહોંચી શકે છે. ત્યારે ફિલ્મના મેકર્સ તો 400 કરોડની ઉમ્મીદ રાખી રહ્યા છે. જેવી રીતે આવનારા સમયમાં કોઈ મોટી ફિલ્મ નથી આવી રહી, તેનાથી આ આંકડો હાલ મુશ્કેલ નથી લાગી રહ્યો.
10 દિવસમાં 250 કરોડથી વધુની કમાણી
ઉલ્લેખનીય છે કે સંજુ રિલીઝ થયા બાદ માત્ર 2 દિવસમાં 50 કરોડનો આંકડો, 3 દિવસમાં 100 કરોડનો આંકડો, પાંચ દિવસમાં 150 કરોડ, સાત દિવસમાં 200 કરોડ અને 10 દિવસ સુધીમાં 250 કરોડ રૂપિયાના કલેક્શન સુધી પહોંચી ગઈ છે.
બીજા અઠવાડિયામાં તોડી શકે ધૂમ 3નો રેકોર્ડ
સંજુના આગામી ટાર્ગેટ આમિર ખાન ધૂમ 3 હશે, જેની લાઈફ ટાઈમ 284 કરોડ રૂપિયા છે. ફિલ્મે બીજા અઠવાડિયામાં 300 કરોડ સુધી પહોંચવા માટે હવે કોઈ મુશ્કેલી ન થવી જોઈએ. સંજૂ હવે ટોપ 10 હાઈએસ્ટ ગ્રોસર્સમાં શામેલ છે. સાઉથની બાહુબલી 2ના 510 કરોડ 99 લાખ રૂપિયાને છોડી દઈએ તો આ લિસ્ટમાં દંગલ 387 કરોડ 38 લાખ રૂપિયા સાથે પહેલા નંબર પર છે. પીકે 340 કરોડ 80 લાખ સાથે બીજા નંબર પર છે. અને ટાઈગર ઝિંદા હૈ 339 કરોડ 25 લાખ રૂપિયા સાથે ત્રીજા સ્થાને છે. સંજુ આ લિસ્ટમાં હાલ નવમા સ્થાન પર છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.