‘શાહરુખ ખાન અને અનિલ કપૂર વચ્ચે જમીન-આસમાનનો તફાવત છે’, બન્ને સાથે કામ કરી ચૂકેલો વરુણ કેમ આવુ વિચારે છે?

બોલિવૂડ અભિનેતા વરુણ ધવન અત્યારે પોતાની ફિલ્મ જુગજુગ જિયોને કારણે ખૂબ ચર્ચામાં છે. ફિલ્મ સિનેમાઘરોમાં રીલિઝ થઈ ગઈ છે અને તેને ઘણો સારો રિસ્પોન્સ મળી રહ્યો છે. આ દરમિયાન એક વાતચીતમાં વરુણ ધવને અનિલ કપૂર અને શાહરુખ ખાન સાથે કામ કરવાનો પોતાનો અનુભવ શેર કર્યો છે. વરુણે બન્ને અભિનેતાઓના વખાણ કર્યા છે, પરંતુ સાથે જ જણાવ્યું કે તેમની વચ્ચે જમીન આસમાનનું અંતર છે. બન્ને સાથે કામ કરતી વખતે સેટનું વાતાવરણ પણ અલગ હોય છે.

JugJugg Jeeyoના સેટ પર ઘણીવાર બાખડી પડતા હતા વરુણ અને કિયારા, તેમને શાંત કરવા ડિરેક્ટરે વચ્ચે પડવુ પડતુ હતું
શાહરુખ સાથે કામ કરી ચૂક્યો છે વરુણ

ઉલ્લેખનીય છે કે વર્ષ 2015માં આવેલી ફિલ્મ દિલવાલેમાં વરુણે શાહરુખ સાથે કામ કર્યુ હતું. રોહિત શેટ્ટીની આ એક્શન રોમાન્ટિક કોમેડી ફિલ્મને ગૌરી ખાને પ્રોડ્યુસ કરી હતી. ફિલ્મમાં શાહરુખ ખાન, વરુણ ધવન, કાજોલ અને કૃતિ સેનન લીડ રોલમાં હતા. આ સિવાય વરુણ શર્મા, જૉની લિવર, બોમન ઈરાની, પંકજ ત્રિપાઠી, મુકેશ તિવારી, ચેતના પાંડે અને કબીર બેદી પણ હતા. જ્યારે વરુણ ધવન અને અનિલ કપૂરે તાજેતરમાં રીલિઝ થયેલી ફિલ્મ જુગજુગ જિયોમાં સાથે કામ કર્યું છે.

વરુણ ધવને કર્યા અનિલ-શાહરુખના વખાણ

એક એન્ટરટેઈનમેન્ટ પોર્ટલ સાથેની વાતચીતમાં વરુણ ધવને જણાવ્યું કે, અનિલ કપૂર અને શાહરુખ ખાન સેટ પર હોય ત્યારનું વાતાવરણ સંપૂર્ણપણે અલગ હોય છે. ખૂબ જ અલગ. અનિલ કપૂર મજાકિયા સ્વભાવના છે અને તેમનામાં ભરપૂર એનર્જી છે. શાહરુખ ખાન ચાર્મિંગ છે, તે ઘણાં નમ્ર છે. તે અદ્દભુત છે. બન્ને અદ્દભુત છે. અનિલ સર જબરદસ્ત એક્ટર છે, પણ તે બન્ને ઘણાં અલગ છે.

લગ્નના બે જ મહિનામાં Alia Bhatt-Ranbir Kapoorએ આપ્યા ગુડ ન્યૂઝ! કહ્યું-'અમારું બાળક આવી રહ્યું છે'
જુગ જુગ જિયોને મળી રહ્યો છે સારો રિસ્પોન્સ

ઉલ્લેખનીય છે કે જુગજુગ જિયોમાં વરુણ ધવન અનિલ કપૂરના દીકરાનો રોલ કરી રહ્યો છે. ફિલ્મને ઘણો સારો રિસ્પોન્સ મળી રહ્યો છે. લોકો તમામ એક્ટર્સના વખાણ કરી રહ્યા છે. ફિલ્મ બોક્સઓફિસ પર પણ સારી કમાણી કરી રહી છે. ફિલ્મ ટ્રેડ એનાલિસ્ટ તરન આદર્શના જણાવ્યા અનુસાર, બીજા દિવસે ફિલ્મના કલેક્શનમાં 35.24 ટકાનો વધારો નોંધાયો હતો. દિલ્હી, એનસીઆર અને ગુજરાત સૌથી આગળ છે. ત્યારપછી મુંબઈ, પુણે, ચંદીગઢ અને બેંગ્લોરમાં પણ સારી કમાણી થઈ રહી છે.