ચેન્નઈમાં ગુરૂવારે આઈપીએલ-2021 માટે ખેલાડીઓની હરાજી યોજાઈ હતી. જેમાં આઠ ફ્રેન્ચાઈઝીઓ વચ્ચે ખેલાડીઓ માટે બોલી લાગી હતી. જેમાં ઘણા ખેલાડીઓએ પોતાની કિંમતને લઈને લોકોનું ધ્યાન ખેંચ્યું હતું. પરંતુ આ દરમિયાન બોલીવૂડ સ્ટાર શાહરૂખ ખાનના પુત્ર અને જૂહી ચાવલાની પુત્રીની એક તસ્વીર સોશિયલ મીડિયામાં વાઈરલ થઈ હતી.
શાહરૂખ ખાન અને જૂહી ચાવલાની મિત્રતા વર્ષો જૂની છે અને તેઓ આઈપીએલની કોલકાતા નાઈટ રાઈડર્સ ટીમના માલિક પણ છે. તેવામાં હરાજીમાં કોલકાતાના ઓક્શન ટેબલ પર શાહરૂખ ખાનનો દિકરો આર્યન ખાન જોવા મળ્યો હતો. જ્યારે તેની બાજુમાં જૂહી ચાવલાની પુત્રી જાહ્નવી મહેતા હતી. જાહ્નવી જૂહી અને તેના બિઝનેસમેન પતિ જય મહેતાની દિકરી છે.
શાહરૂખના પુત્રને ઓક્શનમાં જોઈને ઘણા લોકો ખુશ થયા હતા. ઘણા લોકોએ તેના લૂકના વખાણ કર્યા હતા. આર્યન શાહરૂખનો સૌથી મોટો પુત્ર છે અને તે મેચ દરમિયાન ઘણી વખત સ્ટેડિયમમાં પોતાના પિતા સાથે જોવા મળે છે. ગત વર્ષે યુએઈમાં રમાયેલી સિઝનમાં પણ તે શાહરૂખ સાથે જોવા મળ્યો હતો.
IPL હરાજીમાં સાથે જોવા મળ્યા શાહરૂખનો પુત્ર અને જૂહીની પુત્રી, તસ્વીર થઈ વાઈરલ
ચેન્નઈમાં યોજાયેલી હરાજીમાં આર્યન ખાન અને જાહ્નવી મહેતા કોલકાતા નાઈટ રાઈડર્સના ટેબલ પર જોવા મળ્યા હતા
I am Gujarat 19 Feb 2021, 12:01 am