Video: શિલ્પા શેટ્ટીએ લાડલી સાથે ઉજવી પહેલી દિવાળી, લક્ષ્મીજી સાથે કરી દીકરીની પૂજા

કોરોનાકાળમાં પણ દિવાળીનો ઉત્સાહ ઓછો થયો નથી. ભલે બોલિવૂડમાં મોટી પાર્ટી યોજાઈ ન હોય પરંતુ સેલેબ્સ ફ્રેન્ડ્સ અને ફેમિલી સાથે આનંદ અને ઉમંગથી તહેવાર ઉજવી રહ્યાં છે. શિલ્પા શેટ્ટીએ પણ દિવાળી સેલિબ્રેશનનો એક વિડીયો પોસ્ટ કર્યો હતો. જેમાં તે પોતાની ફેમિલી સાથે પૂજા કરતી જોવા મળે છે. તેણે આ સાથે જ હૃદયસ્પર્શી કેપ્શન લખ્યું હતું. વીડિયોમાં તેની દીકરી સમિશા પણ જોવા મળે છે.


શિલ્પા શેટ્ટીએ દરેક માટે કરી પ્રાર્થના
શિલ્પા શેટ્ટીની દીકરી સમિશાની આ પહેલી દિવાળી હતી. આ તકે તેની ફેમિલીએ લક્ષ્મી માતા સાથે દીકરીની પણ પૂજા કરી હતી. શિલ્પાએ વિડીયો સાથે કેપ્શન લખ્યું હતું કે, 'મારુ માનવું છે કે જે પરિવાર સાથે પ્રાર્થના કરે છે, તે સાથે જ રહે છે અને આ અમારા પરિવારની દર વર્ષની પ્રથા છે. અમે માતા લક્ષ્મી અને સમિશાને પ્રાર્થના કરી હતી. જેની આ પહેલી દિવાળી હતી. અમારા માટે જ નહીં પરંતુ તમારા માટે પણ આશીર્વાદ મોકલી રહી છું. માતા લક્ષ્મીની કૃપા વરસતી રહે. તમને દરેકને હેપ્પી દિવાળી.'


દીકરા સાથે શિલ્પાએ બનાવી હતી સુંદર રંગોળી
શિલ્પા શેટ્ટીએ લક્ષ્મીજીના સ્વાગત માટે દીકરા વિયાન સાથે સુંદર રંગોળી પણ બનાવી હતી. જેનો તેણે વિડીયો પણ શૅર કર્યો હતો. જેમાં તેણે લખ્યું હતું કે, 'લક્ષ્મીજીના સ્વાગત માટે આ સૌથી સુંદર રીત છે.'