Box Office: સિમ્બાએ 'ઝીરો'ને પાછળ છોડ્યું, બે દિવસમાં આટલા કરોડની કમાણી કરી

I am Gujarat

સિમ્બાની જબરજસ્ત કમાણી

મુંબઈઃ રોહિત શેટ્ટી અને રણવીર સિંહની ફિલ્મ સિમ્બાએ બોક્સ ઓફિસમાં બીજા દિવસે ધમાલ મચાવી છે. સિમ્બાને ક્રિટિક્સ સાથે-સાથે દર્શકોનો પણ જબરજસ્ત રિસ્પોન્સ મળી રહ્યો છે. ફિલ્મે બે દિવસમાં 44 કરોડથી વધારેની કમાણી કરી લીધી છે.

બીજા દિવસે 23 કરોડનું કલેક્શન

ટ્રેડ એનાલિસ્ટ તરણ આદર્શ મુજબ સિમ્બાએ બીજા દિવસે લગભગ 23.33 કરોડ રૂપિયાનું કલેક્શન કર્યું છે. ટ્રેડ એનાલિસ્ટ મુજબ ફિલ્મને ખાસ કરીને મુંબઈમાં સારો રિસ્પોન્સ મળી રહ્યો છે. તો રવિવારે ફિલ્મના કલેક્શનમાં ઉછાળો આવી શકે છે. તમને જણાવી દઈએ કે ઝીરોએ કુલ 38 કરોડ રૂપિયાનું કલેક્શન કર્યું હતું. પહેલા દિવસના મુકાબલે ફિલ્મના કલેક્શનમાં 12.60 ટકાનો વધારો થયો છે. તમને જણાવી દઈએ કે સિમ્બાએ પહેલા દિવસે 20 કરોડની કમાણી કરી હતી. આ રણવીરના કરિયરની સૌથી વધારે ઓપનિંગ વાળી ફિલ્મ બની ગઈ છે.

વિદેશમાં પણ સિમ્બાની ધૂમ

સિમ્બાને ભારત ઉપરાંત વિદેશોમાં પણ સારો રિસ્પોન્સ મળી રહ્યો છે. સિમ્બાને વિદેશમાં પહેલા દિવસ 13.14 કરોડ રૂપિયાની કમાણી કરી છે. અમેરિકા અને કેનેડામાં ફિલ્મે ચાર લાખ ડોલર, યુએઈમાં ગુરુવારે 3.72 લાખ રૂપિયા અને શનિવારે પાંચ લાખ ડોલરનું કલેક્શન કર્યું. ફિલ્મે યુકેમાં 87 હજાર ડોલરની કમાણી કરી છે. તો ઓસ્ટ્રેલિયામાં ફિલ્મે 1.44 લાખ ડોલરનો બિઝનેસ કર્યો છે. ઓસ્ટ્રેલિયામાં સિમ્બાએ શાહરુખની ફિલ્મ દિલવાલેને પણ પાછળ છોડી દીધી છે.

આગામી વર્ષે આવશે સિક્વલ

સિમ્બાના ક્લાઈમેક્સમાં મેકર્સે દર્શકોને એક સરપ્રાઈઝ આપી છે. હકીકતમાં મેકર્સે ક્લાઈમેક્સમાં સિમ્બાના સીક્વલમાં જાહેરાત કરી છે. સિમ્બાના સીક્વલનું નામ સૂર્યવંશી હશે. આ ફિલ્મ આગામી વર્ષે રિલીઝ થશે.