ઉદાર સોનુ સૂદ પંજાબમાં એક ગામ દત્તક લેશે

મુંબઈઃ સોનુ સૂદ પંજાબમાં તેના હોમટાઉન મોગાના લોકો અને તેના મૂળિયા સાથે એકદમ કનેક્ટેડ છે. આ એક્ટર આ સિટીના લોકો માટે જુદી-જુદી એક્ટિવિટીઝ કરી રહ્યો છે. ફિટનેસને પ્રમોટ કરવા માટે ફ્રી જિમ ફેસિલિટીઝ પૂરી પાડવા સિવાય સોનુએ તેના જિમ મેમ્બર્સને સાઇકલ્સ પણ ડિસ્ટ્રિબ્યૂટ કરી હતી. જેથી તેઓ રોજ સાઇકલિંગ કરીને પણ વધારે ફિટ રહી શકે.

હવે અમને જાણવા મળ્યું છે કે, સોનુ પંજાબનું બાહોના નામનું એક ગામ દત્તક લેવા માગે છે. એક સોર્સે જણાવ્યું હતું કે, ‘સોનુ બાહોનાને રહેવા માટે એક સુંદર જગ્યા બનાવવા માટે કામ કરી રહ્યો છે. સ્વચ્છતા અને શુદ્ધ પાણીના અભાવના કારણે આ ગામમાં પાણીજન્ય રોગોનું ખૂબ જ પ્રમાણ છે ત્યારે જેમને પરવડી ન શકે એવી ફેમિલીઝને વોટર પ્યુરિફાયર્સ પૂરા પાડવાની પ્રોસેસ તેણે શરૂ કરી છે.’