શાહરુખ ખાનનો ‘પઠાણ’ લુક જોઈને ઈમ્પ્રેસ થઈ ગઈ દીકરી સુહાના ખાન, કહ્યું- ઓહો...મારા ડેડ 56 વર્ષના છે

તાજેતરમાં જ બોલિવૂડના કિંગ ખાન તરીકે ઓળખાતા શાહરુખ ખાને પોતાની અપકમિંગ ફિલ્મ પઠાણના લુકની તસવીર શેર કરી છે. આ તસવીર ફેન્સને ખૂબ પસંદ આવી રહી છે. શાહરુખ ખાનના લુકના દીકરી સુહાના ખાને પણ ખૂબ વખાણ કર્યા છે. તેણે પણ પિતાની આ તસવીર પર પ્રતિક્રિયા આપી છે. સુહાના ખાને સોશિયલ મીડિયા પર પિતાની તસવીર શેર કરી છે.


સુહાના ખાને ઈન્સ્ટાગ્રામ અકાઉન્ટ પર આ તસવીર શેર કરીને લખ્યું છે કે, મારા પિતા 56 વર્ષના છે, આપણને તો બહાના કાઢવાની મંજૂરી જ નથી. પિતાની ફિટનેસ જોઈને સુહાના ખાન પોતે ચોંકી ગઈ છે. તેની આ પોસ્ટ પર ડાયના પેંટી અને સંજય કપૂર સહિત અનેક સ્ટાર્સે કમેન્ટ કરી છે. આ તમામ લોકો શાહરુખ ખાનના વખાણ કરી રહ્યા છે. ઉલ્લેખનીટ છે કે શનિવારના રોજ શાહરુખ ખાને પોતાના ઓફિશિયલ ઈન્સ્ટાગ્રામ અકાઉન્ટ પર પઠાણનો લુક શેર કર્યો છે. આ ફોટોમાં શાહરુખ ખાનના 8 પેક એબ્લસ જણાઈ રહ્યા છે. ટીવી અભિનેત્રી અને શાહરુખ ખાનની ફેન દીપિકા કક્કરે પણ શાહરુખની તસવીર પર પ્રતિક્રિયા આપતા કહ્યું છે કે, અમે તો પઠાણને મળવા આતુર છીએ.

Aamir Khanનો ચોંકાવનારો ખુલાસો: બે વર્ષ પહેલા એક્ટિંગ છોડી દેવા માગતો હતો,પૂર્વ પત્ની કિરણે સમજાવ્યો હતો
શાહરુખ ખાનની પત્ની ગૌરી ખાને પણ પઠાણનો આ લુક શેર કર્યો છે. યશરાજ ફિલ્મ્સની પઠાણ આવતા વર્ષે રીલિઝ થવાની છે. ફિલ્મમાં શાહરુખ ખાન સિવાય દીપિકા પાદુકોણ અને જૉન અબ્રાહમ પણ મુખ્ય ભૂમિકામાં છે. પ્રાપ્ત જાણકારી અનુસાર, જૉન અબ્રાહમ આ ફિલ્મમાં વિલનના રોલમાં જોવા મળશે.
સુહાના ખાનની વાત કરીએ તો અત્યારે તે મુંબઈમાં છે. તે પોતાના બોલિવૂડ ડેબ્યુને કારણે ચર્ચામાં છે. કહેવામાં આવે છે કે બોલિવૂડમાં ઝોયા અખ્તરની ફિલ્મ સાથે તે એન્ટ્રી કરવાની છે. આ ફિલ્મમાં સુહાના ખાનની સાથે જાહ્નવી કપૂરની બહેન ખુશી કપૂર પણ જોવા મળી શકે છે.