સુપ્રીમ કોર્ટે રિયા ચક્રવર્તીની અરજી ફગાવી, બિહાર પોલીસ કરશે એક્ટ્રેસની પૂછપરછ

સુશાંત સિંહ રાજપૂતના કેસમાં દરરોજ નવા ટ્વીસ્ટ આવી રહ્યા છે. કેન્દ્ર સરકારે આ મામલે CBI તપાસને લીલી ઝંડી આપી દીધી છે. બીજી તરફ લેટેસ્ટ રિપોર્ટ અનુસાર, સુપ્રીમ કોર્ટે રિયા ચક્રવર્તીના વકીલ તરફથી 'પ્રોટેક્ટિવ ઑર્ડર'ની રિક્વેસ્ટ ફગાવી દીધી છે. બિહાર પોલીસ હવે રિયાની પૂછપરછ કરી શકે છે.

સુશાંતના કેસમાં મોટી અપડેટ એ છે કે, કેન્દ્રએ આ મામલે CBI તપાસ માટે બિહાર સરકારના અરજીને સ્વીકારી લીધી છે. બીજી તરફ સુપ્રીમે રિયા ચક્રવર્તીના વકીલ તરફથી આપવામાં આવેલી ઈન્ટરિમ પ્રૉટેક્શનની રિક્વેસ્ટને ફગાવી દીધી છે. કોર્ટનું કહેવું છે કે, ટેલેન્ટેડ એક્ટરનું અસામાન્ય પ્રકારે મોત થયું છે. સત્ય સામે આવવું જોઈએ. હવે બિહાર પોલીસ રિયાની પૂછપરછ કરી શકે છે. બીજી તરફ સુપ્રીમ કોર્ટનું કહેવું છે કે, સીનિયર ઑફિસરનો ક્વૉરન્ટાઈન કરી દેવાથી સારો મેસેજ ગયો નથી. કોર્ટે મહારાષ્ટ્ર સરકારને આ અંગે સવાલ કર્યો.


સુશાંતના પિતાએ નોંધાવી હતી FIR

સુશાંતના પિતા KK સિંહે થોડા દિવસ પહેલા રિયા ચક્રવર્તી વિરુદ્ધ FIR નોંધાવી છે. તેમણે રિયા પર તેમના પુત્રને આત્મહત્યા માટે ઉશ્કેરવાનો આરોપ લગાવ્યો છે. સુશાંતના પિતાએ એક્ટરના એકાઉન્ટમાંથી પૈસા આમ-તેમ થયા હોવાનો પણ આરોપ લગાવ્યો છે.