જ્યારે સુર્વિનને ડિરેક્ટર સાથે સુવાની ઓફર થઇ

સુર્વિન ચાવલાનું એક્ટિંગ કેરિયર અત્યાર સુધી તો બરોબર ચાલી રહ્યું છે. પણ એક્ટ્રેસનું માનવામાં આવે તો તે કાસ્ટિંગ કાઉચનો ભોગ બની ચૂકી છે. એક ઇન્ટરવ્યૂ દરમિયાન સુર્વિને આ વાત કરી. તેણે કહ્યું કે તામિલ ફિલ્મ ઇન્ડસ્ટ્રીમાંથી આવી ઓફર કરાઇ હતી.

ઇન્ટરવ્યૂમાં સુર્વિને કહ્યું કે તેની ફિલ્મના ડિરેક્ટરના એક ફ્રેન્ડનો તેના પર ફોન આવ્યો હતો અને તેની સાથે સુવાની ઓફર કરી હતી. તેણે એવું પણ જણાવ્યું કે ડિરેક્ટરના ફ્રેન્ડે તેને કહ્યું હતું કે જ્યાં સુધી ફિલ્મ પુરી ના થાય ત્યાં સુધી આવું કરવું પડશે. જોકે, સુર્વિને આ ઓફર ફગાવી દીધી હતી.

સુર્વિને એવું પણ જણાવ્યું કે પોતાની સ્ટ્રગલના દિવસો દરમિયાન એક વખત અડધી રાતે તેને બહાર કાઢી મુકાઇ હતી. કારણ કે તે ઘરે 2 વાગ્યે કે ક્યારેક તેના કરતા પણ મોડી આવતી હતી.