સુશાંતે 9 જૂને બહેન મીતૂને કર્યો હતો SOS કૉલ, કહ્યું - આ લોકો મને મારી નાખશે

બોલિવૂડ એક્ટર સુશાંત સિંહ રાજપૂત 14 જૂનના રોજ મુંબઈમાં બાન્દ્રા સ્થિત પોતાના ઘરે મૃત અવસ્થામાં મળી આવ્યો હતો. સુશાંતના મોતના કેસમાં CBI, ED અને NCB જેવી એજન્સીઓ તપાસ કરી રહી છે. બીજી તરફ આ કેસમાં મોટો ખુલાસો થયો છે કે, સુશાંતે પોતાની બહેન મીતૂને 9 જૂને કૉલ કરીને પોતાના ડર અંગે વાત કરી હતી. એક્ટરની વાતોથી લાગ્યું કે, તેની જિંદગી ખતરામાં હતી.

સુશાંતે પોતાના મોતના 5 દિવસ પહેલા કર્યો કૉલ

અમારી સહયોગી ચેનલ ટાઈમ્સ નાઉના રિપોર્ટ અનુસાર, સુશાંત સિંહ રાજપૂતે પોતાના મોતના 5 દિવસ પહેલા બહેન મીતૂ સિંહને 9 જૂનના રોજ એક SOS કૉલ કર્યો હતો. સુશાંતે પોતાની બહેનને કહ્યું હતું કે, 'આ લોકો મને ફસાવી શકે છે, મને ડર લાગી રહ્યો છે, મને મારી નાખશે.' રિપોર્ટમાં એમ પણ કહેવામાં આવ્યં કે, સુશાંતે રિયા ચક્રવર્તીનો પણ સંપર્ક કરવાનો પ્રયત્ન કર્યો જે તેને 8 જૂનના રોજ છોડીને જતી રહી હતી અને સુશાંતને બ્લૉક કરી દીધો હતો.

સુશાંતનો કૉલ ઘણા સવાલો છોડી ગયો

સુશાંત સિંહ રાજપૂત દ્વારા પોતાની બહેન મીતને કૉલ દરમિયાન કરવામાં આવેલી વાતોથી સવાલ ઉઠે છે કે, આખરે તેને કયા લોકોનો ડર હતો અને તેને કંઈ વસ્તુઓમાં ફસાઈ જવાનો ડર હતો. સુશાંતે પોતાના જીવને પણ જોખમ હોવાની આશંકા વ્યક્ત કરી હતી.

13 જૂનની બપોર બાદ કોઈ ફોન કે મેસેજ નહીં

જણાવી દઈએ કે, CBIના સૂત્રો અનુસાર, સુશાંતે 13 જૂનની બપોર પછી કોઈ ફોન અને મેસેજ રિસીવ નહોતા કર્યા. સુશાંતની બહેન મીતૂ પણ એ વાત પહેલા જણાવી ચૂકી છે કે, 14 જૂનની સવારે સુશાંતે તેનો ફોન ઉઠાવ્યો નહોતો. બીજી તરફ પોલીસ પૂછપરછમાં રિયાએ જણાવ્યું હતું કે, સુશાંત ડિપ્રેશનમાં હતો અને તેણે કહ્યું કે, તે તેને એકલો મૂકીને જતી રહે. તે સુશાંતની સ્થિતિને જોતા તેને કંઈ પૂછ્યા વિના ત્યાંની જતી રહી. તેને લાગ્યું કે, થોડા દિવસોમાં કદાચ બધું બરાબર થઈ જશે અને તેને થોડા દિવસ એકલા વિચારવાની તક આપવી જોઈએ.

જણાાવી દઈએ કે, હાલ રિયા ચક્રવર્તી ઉપરાંત તેનો ભાઈ શૌવિક, સેમ્યુઅલ મિરાન્ડા, દીપેશ સાવંત સહિતના લોકોને NCB દ્વારા કસ્ટડીમાં લેવામાં આવ્યા છે.