પરિવારને કેસ દાખલ કરવામાં કેમ આટલો સમય લાગ્યો? સુશાંતના વકીલે કર્યો મોટો ખુલાસો

સુશાંત સિંહ રાજપૂતના પિતા કેકે સિંહે તેની ગર્લફ્રેન્ડ રિયા ચક્રવર્તી સામે ફરિયાદ નોંધાવી છે. આ એફઆઈઆર પટનામાં દાખલ થઈ છે. ANIના જણાવ્યાનુસાર, તેમના વકીલે જણાવ્યું છે કે, હવે FIR દાખલ કરવામાં આવી છે કારણકે મુંબઈ પોલીસ એફઆઈઆર દાખલ નહોતી કરી રહી પરંતુ તેમના પર મોટા પ્રોડક્શન હાઉસનું નામ લેવાનું દબાણ બનાવતી હતી.


જણાવ્યું શા માટે ફરિયાદ કરવામાં મોડું થયું
સુશાંત સિંહ રાજપૂતના વકીલ વિકાસ સિંહે અનેક ચોંકાવનારા ખુલાસાઓ કર્યા છે. જેમાં તેમણે જણાવ્યું છે કે, કેસ દાખલ કરવામાં 44 દિવસનો સમય એટલા માટે લાગ્યો કારણકે મુંબઈ પોલીસ એફઆઈઆર દાખલ કરતી નહોતી. પટના પોલીસ પણ આનાકાની કરી રહી હતી. જોકે, સીએમ નીતિશ કુમાર અને મિનિસ્ટર સંજય ઝાના સમજાવ્યા પછી FIR દાખલ થઈ શકી. સુશાંતના પિતાના વકીલનું કહેવું છે કે, તેઓ એવું ઈચ્છે છે કે, ઘટનાની સમગ્ર તપાસ પટના પોલીસ કરે. પરિવારે અત્યાર સુધીમાં CBI તપાસની માંગણી કરી નથી.


પટના પોલીસનું પણ આવ્યું નિવેદન
સુશાંતના પિતાના વકીલે બિહારના મુખ્યમંત્રીનો આભાર પણ માન્યો. તો પટનાના સિટી એસપી વિનય તિવારીએ જણાવ્યું કે, FIR નોંધાઈ ગઈ છે. શરુઆતની તપાસ ચાલી રહી છે. આ સમય એવું કહેવા માટે યોગ્ય નથી કે કોના પર સવાલ ઉઠાવવામાં આવશે. જેના પણ નામ સુશાંત સિંહ રાજપૂતના પિતાએ આપ્યા હતાં. તે દરેક સામે ફરિયાદ નોંધવામાં આવી છે.