સુષ્મિતા સેને બર્થ ડે પર બોયફ્રેન્ડને કહ્યો 'બાબુશ', સંબંધને 'આત્માથી આત્મા'નો ગણાવ્યો

બોલિવુડ એક્ટ્રેસ સુષ્મિતા સેન લગભગ છેલ્લા બે વર્ષથી 15 વર્ષ નાના એક્ટર-મોડલ રોહમન શોલને ડેટ કરી રહી છે. રોહમન અને સુષ્મિતા અવારનવાર સોશિયલ મીડિયા પર એકબીજા સાથેની તસવીરો શેર કરતા રહે છે. તો કપલ ઘણીવાર સાથે મીડિયાને પોઝ પણ આપી ચૂક્યું છે. આજે (4 જાન્યુઆરી) રોહમન શોલનો બર્થ ડે છે ત્યારે સુષ્મિતાએ પોતાના 'બાબુશ' માટે ખાસ પોસ્ટ મૂકી છે.


બોયફ્રેન્ડ સાથેની નવી તસવીરો શેર કરતાં સુષ્મિતાએ લખ્યું, "હેપી બર્થ ડે મારા બાબુશ @rohmanshawl😍🤗💃🏻🥳💝🥂 'રૂહ સે રૂહ તક'❤️ તારું સુંદર હૃદય જે ઈચ્છે તે બધું જ ઈશ્વર તને ભરપૂર પ્રમાણમાં આપે. તને પ્રેમ કરું છું!!💋 હંમેશા તારા સ્વાસ્થ્ય અને ખુશીની પ્રાર્થના કરીશ!! અમે તને પ્રેમ કરીએ છીએ બર્થ ડે બોય🥰💋 અલિશા, રેને અને મારા તરફથી તને હગ😇🌈 #partytime #rohmance #us 😍💃🏻💝 #duggadugga."

તસવીરોમાં રોહમન અને સુષ્મિતા બ્લેક રંગના આઉટફિટમાં ટ્વિનિંગ કરતા જોવા મળે છે. લવ બર્ડ્સ એક ક્ષણ માટે પણ એકબીજાથી પરથી નજર નથી હટાવી શકતાં. આ તસવીરો તેમના બોન્ડિંગ અને કેમેસ્ટ્રી વિશે ઘણું કહી જાય છે.

હાલમાં જ સુષ્મિતા સેનની મોટી દીકરી રેનેએ રોહમન સાથેની જિંદગી વિશે વાત કરી હતી. રોહમનને 'અંકલ' તરીકે સંબોધાતા રેનેએ જણાવ્યું કે, તેઓ (સુષ્મિતા, રોહમન, રેને અને અલિશા) મોટાભાગે રવિવારે ભેગા થાય છે અને મસ્તી કરે છે. સુષ્મિતા દીકરીઓને વર્લ્ડ સિનેમાની નજીક લઈ જાય છે ત્યારે તેમને પણ મમ્મી સાથે મૂવીઝ જોવી પસંદ છે. આ ઉપરાંત સુષ્મિતાના નાનકડા પરિવારને સંગીત પણ બાંધે છે. જો કે, આ બધા કરતાં વધારે તેમને એકબીજા સાથે સમય વિતાવવો સૌથી વધુ ગમે છે. રોહમન પણ સુષ્મિતા અને તેની દીકરીઓ સાથે ઘણો સમય વિતાવે છે. રેનેએ કહ્યું, "અમે તેમના (રોહમન) વિશે જાણી રહ્યા છે. તેમના કલ્ચર અને પરિવારને ઓળખી રહ્યા છીએ. અમે કંઈ ના કરીને પણ સાથે અદ્ભૂત સમય વિતાવીએ છીએ."