સ્વરા ભાસ્કર બની લેખિકા, લખી પ્રેમકથા

પોતાના અભિનયથી લોકોના દિલ જીતનારી ફિલ્મ અભિનેત્રી સ્વરા ભાસ્કર હવે સ્ક્રિપ્ટ રાઈટર બની ગઈ છે અને તેણે એક લવ સ્ટોરી લખી છે.

સ્વરાએ જણાવ્યું, આ સ્ક્રિપ્ટ એક લવ સ્ટોરી પર આધારિત છે. અને તેમાં લવ ટ્રાયન્ગલ છે. આમાં પણ હિન્દી ફિલ્મમાં હોય છે તેવી અનેક સમસ્યાઓ છે. વાર્તાના કેન્દ્રમાં એક છોકરી અને બે છોકરા છે.

જ્યારે તેને પુછવામાં આવ્યું કે શું તે પોતે આ ફિલ્મમાં અભિનય કરશે તો તેણે કહ્યું કે, અત્યારે તો આવી જ આશા રાખુ છુ. જ્યાં સુધી મારો ખ્યાલ છે હું આ ફિલ્મ માટે ઑડિશન નથી આપવાની. મારું માનવું છે કે ફિલ્મના બન્ને પુરુષ પાત્રો ઘણાં સારા છે.

સ્વરા ન્યૂ વૉયસીસ ફેલોશિપ ફૉર સ્ક્રીનરાઈટર્સના ત્રીજા એડિશનનો ભાગ રહી ચુકી છે. આ વર્ષનો કાર્યક્રમ અમુક નક્કી કરેલા વિષય પર આધારિત હતો. સ્વરાએ કહ્યું કે તેણે એવું વિચારીને લખવાનું શરુ કર્યું હતુ કે ફિલ્મનો રોલ તેને મળે.