એક્ટ્રેસ તાપસી પન્નૂ હાલ અનેક પ્રોજેક્ટ પર કામ કરી રહી છે. તેમાંથી તેની એક ફિલ્મ છે ‘લૂપ લપેટા’ જેની ફેન્સ આતુરતાથી રાહ જોઈ રહ્યા છે. હવે આ ફિલ્મ અંગે એક રસપ્રદ અપડેટ સામે આવ્યું છે. આ ભારતની પહેલી ફિલ્મ બની શકે છે કે જેને કોવિડ-19નો સ્પેશિયલ ઈન્શ્યોરન્સ મળશે. ફિલ્મ પ્રોડ્યૂસર અતુલ કસ્બેકરે જણાવ્યું કે પ્રોડ્યુસર્સ પોતાના તમામ પ્રોજેક્ટ્સ માટે ઈશ્યોરન્સ કંપનીઓના ટચમાં છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
અતુલે જણાવ્યું કે ‘ અમે લીગલ એક્સપર્ટ આનંદ દેસાઈ સાથે વાત કરી રહ્યા છીએ. અત્યાર સુધી ફિલ્મનો ઈન્શ્યોરન્સ કોઈ અઘટિત ઘટનાઓ માટે થતો હતો જેમ કે કોઈ એક્ટર બીમાર થઈ જાય અથવા કોઈ પ્રાકૃતિક આપદા આવી પડે અને શિડ્યૂલમાં મોડું થાય. એવામાં આ કોવિડ નવી મુશ્કેલી છે અને તેની ડીટેલ્સમાં અમે કામ કરી રહ્યા છીએ કે શું ઈન્શ્યોરન્સ પ્લાન હોવો જોઈએ.’
જર્મન ફિલ્મની રીમેક છે ‘લૂટ લપેટા’હવે વાત કરીએ ‘લૂપ લપેટા’ની તો આ 1998માં આવેલી જર્મન ફિલ્મ ‘રન લોલા રન’ની ઓફિશિયલ રીમેક છે. તાપસીની આ ફિલ્મમાં નવા જમાનાની થ્રિલર કોમેડી હશે. ફિલ્મમાં તાહિર રાજ ભસીન પણ જોવા મળશે. ડિરેક્ટર આકાશ ભાટિયાની આ ફિલ્મ 29 જાન્યુઆરી 2021ના રોજ રિલીઝ માટે શિડ્યૂલ છે.