બૂમો પાડીને બર્થ ડે સોન્ગ ગાવા લાગ્યો તૈમૂર, સૈફે ટોકીને ધીમે બોલવા કહ્યું

સૈફ અલી ખાન, કરીના કપૂર અને તૈમૂરે ધર્મશાલામાં દિવાળી ઉજવી હતી. સૈફ ત્યાં પોતાની અપકમિંગ ફિલ્મ 'ભૂલ પોલીસ'નું શૂટિંગ કરી રહ્યા છો. હાલમાં નાનકડા ટિમ ટિમનો વીડિયો ઈન્ટરનેટ પર વાયરલ થઈ રહ્યો છે. જેમાં તે કરીના-સૈફના ફ્રેન્ડ માટે બર્થ ડે સોન્ગ ગાતો જોવા મળી રહ્યો છે.


આ વીડિયોમાં તૈમૂરને સૈફ અને કરીનાની બાજુમાં ખુરશી પર બેસેલો જોઈ શકાય છે. તે તેમના ફ્રેન્ડ માટે બર્થ ડે સોન્ગ ગાઈ રહ્યો છે. તૈમૂર મોટે-મોટેથી ગાવાનું શરૂ કરી દે છે. જે બાદ સૈફ તૈમૂરને સારી રીતે ગાવાનું કહે છે અને પછી તે પોતાના મમ્મી-પપ્પા સાથે અવાજ મેળવવાનો પ્રયાસ કરતા ગાતો જોવા મળી રહ્યો છે.

તૈમૂરના આ વીડિયો પર ફેન્સ પ્રેમ વરસાવી રહ્યા છે. એક યૂઝરે લખ્યું છે કે, 'સો ક્યૂટ', તો અન્ય એકે કોમેન્ટ કરતાં લખ્યું છે કે, 'ટિમ ક્યૂટ છે'.

કરીના આમ તો દર વર્ષે દિવાળી મુંબઈમાં જ ઉજવે છે. પરંતુ આ વખતે સૈફ ધર્મશાલામાં હોવાથી તેણે મુંબઈની ભીડભાડથી દૂર પહાડોની વચ્ચે તહેવાર ઉજવવાનું નક્કી કર્યું હતું. તે થોડા દિવસ પહેલા તૈમૂર અને મલાઈકા સાથે ત્યાં પહોંચી ગઈ હતી. અર્જુન કપૂર પણ ત્યાં હોવાથી મલાઈકા તેની સાથે ગઈ હતી.


કરીનાએ ધર્મશાલામાંથી એક બૂમરેંગ વીડિયો શેર કરીને સૌને દિવાળીની શુભેચ્છા પાઠવી હતી. વીડિયોમાં પ્રેગ્નેન્ટ કરીના સિમ્પલ ડ્રેસમાં જોવા મળી હતી. જ્યારે તૈમૂરે સફેદ કૂર્તો તો સૈફે કાળો કૂર્તો પહેર્યો હતો. સૈફ અને તૈમૂર કંઈક વાત કરી રહ્યા હતા જ્યારે કરીના કેમેરા સામે જોઈને પોઝ આપી રહી હતી. વીડિયો શેર કરીને કરીનાએ લખ્યું હતું કે, 'આપ સૌને દિવાળીની શુભેચ્છા. સુરક્ષિત રહો. ખુશ રહો'.


આ સિવાય કરીના, સૈફ, તૈમૂર, અર્જુન અને મલાઈકા ધર્મશાલાના રસ્તા પર પરિવાર સાથે ફરી રહ્યા હોય તેવો વીડિયો સોશિયલ મીડિયા પર વાયરલ થયો હતો. જેમાં તૈમૂર પપ્પા સૈફનો હાથમાં પકડીને ચાલી રહ્યો હતો અને કેમેરા તરફ જોઈને 'ગો...ગો...ગો...'ની બૂમો પાડી રહ્યો હતો.