સાઉથ ફિલ્મ ઈન્ડસ્ટ્રીઝના સીનિયર એક્ટરનું નિધન, 120થી વધુ ફિલ્મોમાં કર્યું છે કામ

લાંબા સમયથી કેન્સર સામે લડતા તમિળ અભિનેતા થાવાસીનું 23 નવેમ્બર સોમવારે 60 વર્ષની વયે અવસાન થયું હતું. છેલ્લા કેટલાક મહિનાઓથી થાવાસીને હોસ્પિટલમાં દાખલ કરવામાં આવ્યા હતા. તમિળ ઈન્ડસ્ટ્રીઝના લોકોએ થાવાસીના મોત પર દુ: ખ વ્યક્ત કર્યું છે. મદુરાઇના ધારાસભ્ય ડોક્ટર સરવનને તેમના ટ્વિટર હેન્ડલ દ્વારા આ માહિતી આપી છે. ડોક્ટર સરવનન તેમની હોસ્પિટલમાં થાવાસીને મફત સારવાર આપી રહ્યા હતા.

તેમના ટ્વિટર હેન્ડલ પર ડો.સરવનને લખ્યું કે, 'થાવસી 11 નવેમ્બરથી અમારી ખાનગી હોસ્પિટલમાં દાખલ હતા. તે એડવાન્સ સ્ટેજ કેન્સરથી ગ્રસ્ત હતા. ઘણા પ્રયત્નો બાદ પણ રાત્રે 8 વાગ્યે તેમનું નિધન થયું હતું.

થાવાસીએ લગભગ 140થી વધુ ફિલ્મોમાં કામ કર્યું હતું. તે લગભગ 20 વર્ષથી ફિલ્મોમાં કામ કરતો હતો. અગાઉ આ પહેલા થાવાસી સમાચારોમાં આવ્યા હતા જ્યારે તેમણે સોશિયલ મીડિયા પર પોતાનો એક વીડિયો મુક્યો હતો અને સારવાર માટે આર્થિક મદદ માંગી હતી. થવાસીએ સાઉથ સુપર સ્ટાર રજનીકાંત સાથે પણ બે ફિલ્મોમાં કામ કર્યુ છે.