એક્ટ્રેસ બોલી, 'નાભિ પર ફળ-ફુલ ફેંકાવતા ડિરેક્ટર'

I am Gujarat

તાપસીનો વીડિયો બન્યો ચર્ચાસ્પદ

નવી દિલ્હી: બોલિવુડની સુપરહિટ મૂવી પિંકથી પોપ્યુલર બનેલી તાપસી પન્નુ લાંબા સમય બાદ ફરી એક વાર તેલુગુ સિનેમામાં કામ કરવાની છે. તાપસી આનંદો બ્રહ્મ મૂવીથી કમેક કરી રહી છે. ઓગસ્ટમાં રિલીઝ થનારી આ ફિલ્મ પહેલા તાપસીનો એક યૂટ્યૂબ વીડિયો સોશિયલ મીડિયા પર ખાસ્સી ચર્ચા જગાવી રહ્યો છે.

તે ડિરેક્ટર હિરોઈનની નાભિ પર..

ઈસ્ટ ઈન્ડિયા કોમેડીના આ વીડિયોમાં તે તેગુલુ ફિલ્મમેકર કે. રાઘવેન્દ્રને મજાકીય અંદાજમાં નિશાન પર લઈ રીહ છે. તેણે આ વીડિયોમાં સાઉથની મૂવીઝમાં કામ કરવાના પોતાના અનુભવને પણ શેર કર્યો છે. 2010માં તાપસી પન્નુને લોન્ચ કરનારા ફિલ્મમેકર કે. રાઘવેન્દ્ર વિશે તાપસી કહે છે કે, ફિલ્મોમાં કામુકતા બતાવવા ડિરેક્ટર હિરોઈનની નાભિ પર ફુલ અને ફળ ફેંકાવતા હતા.

મારી નાભિ પર નારિયેળ ફેંકવામાં આવ્યું

તાપસીએ કહ્યું હતું કે, ડિરેક્ટરના આ ઝનૂનને તે ક્યારેય નહોતી સમજી શકી. શ્રીદેવી તેમજ અન્ય સાઉથ ઈન્ડિયન એક્ટ્રેસને લોન્ચ કરનારા આ ડિરેક્ટરની મૂવીઝના તે સીન મેં જોયા હતાં, જેમાં હિરોઈનની નાભિ પર ફુલ કે ફળ ફેંકવામાં આવતા હતા. પરંતુ જ્યારે મારો વારો આવ્યો ત્યારે મને તેના વિશે કશુંય નહોતું કહેવાયું, કદાચ હું તેના માટે તૈયાર નહોતી, પરંતુ સીન શૂટ થયો ત્યારે મારી નાભિ પર નારિયળ ફેંકવામાં આવ્યું હતું. મને નહોતી ખબર કે નાભિ પર નારિયેળ ફેંકીને કામુકતા કઈ રીતે બતાવી શકાય છે?

ખુદ ડિરેક્ટર શું કહે છે?

આ પહેલા એક્ટર ચિરંજીવી પણ એક ઈન્ટર્વ્યુમાં કહી ચૂક્યા છે કે તમારે જો ફળો વિશે જાણવું હોય તો તમારે કે. રાઘવેન્દ્ર સાથે એક મૂવી કરવી જોઈએ. તેઓ ફળો હિરોઈનોની નાભિ પર ફેંકાવે છે. ખુદ કે. રાઘવેન્દ્રએ 2015માં એક ટીવી ઈન્ટર્વ્યુમાં કહ્યું હતું કે હિરોઈનોની નાભિ પર ફળ, ફુલ ફેંકાવવાને કામુકતા દર્શાવવા સાથે કોઈ મતલબ નથી. તેમનું કહેવું હતું કે તેમ કરવું માત્ર એક ટ્રેન્ડ હતો, અને તે મહિલાઓની ખૂબસૂરતી સ્ક્રીન પર બતાવવાની એક આર્ટ છે.

આ રહ્યો તાપસીનો વીડિયો

https://www.youtube.com/watch?v=w-CsTD503RY