બોલિવુડનો લેટેસ્ટ ક્રશ કાર્તિક આર્યન આજકાલ પર્સનલ અને પ્રોફેશનલ લાઈફના કારણે ચર્ચામાં રહે છે. એક તરફ સારા અલી ખાન સાથે તેનું અફેર હોવાની ચર્ચા છે ત્યારે બીજી તરફ કાર્તિકની ઝોળીમાં ઘણી ફિલ્મો છે. ભૂમિ પેડનેકર અને અનન્યા પાંડે સાથે ‘પતિ, પત્ની ઔર વો’ના શૂટિંગમાં વ્યસ્ત કાર્તિક ‘ધડક ગર્લ’ જ્હાન્વી સાથે ફિલ્મ કરવાનો છે. કાર્તિક અને જ્હાન્વી કરણ જોહરની ફિલ્મ ‘દોસ્તાના 2’માં જોવા મળશે. અત્યાર સુધી ફિલ્મમાં આ બંને એક્ટર્સના નામ ફાઈનલ થયા હતા અને ત્રીજું નામ બાકી હતું. ત્યારે હવે કરણ જોહરે ત્રીજા એક્ટરના નામની જાહેરાત કરી દીધી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોBoth happy and excited to introduce the new kid on the Dharma block! LAKSHYA will be making his debut with us in #DOSTANA2 and from thereon, we hope to start a solid cinematic journey together! Please welcome #Lakshya and shower him with all your love and blessings… pic.twitter.com/zEgxX8a7V4— Karan Johar (@karanjohar) September 5, 2019‘દોસ્તાના 2’માં કાર્તિક અને જ્હાન્વી સાથે એક્ટર લક્ષ્ય લાલવાની જોવા મળશે. કરણે સોશિયલ મીડિયા પર લક્ષ્યની તસવીર શેર કરીને આ વિશે ખુલાસો કર્યો છે. કરણે પોસ્ટ શેર કરતાં લખ્યું, “ધર્મા બ્લોકમાં નવા કિડની ઓળખ આપતાં ખુશ અને ઉત્સાહિત છું. લક્ષ્ય દોસ્તાના દ્વારા અમારી સાથે ડેબ્યૂ કરશે અને ત્યારબાદ અમે એકસાથે સોલિડ સિનેમેટિક જર્નીની શરૂઆત કરવાની આશા રાખીએ છીએ. લક્ષ્યનું સ્વાગત કરો અને તેને તમારો પ્રેમ અને આશીર્વાદ આપો.” જણાવી દઈએ કે, લક્ષ્ય માટે એક્ટિંગ નવી નથી. તે એક પોપ્યુલર ટીવી એક્ટર છે. ઘણા શોમાં લક્ષ્ય જોવા મળ્યો છે. લક્ષ્ય રોડિઝ X2નો કન્ટેસ્ટન્ટ રહી ચૂક્યો છે. આ સિવાય વોરિયર હાઈ, અધૂરી કહાની હમારી, પ્યાર તુને ક્યા કિયા, પરદેસ મેં હૈ મેરા દિલ અને પોરસ જેવી સીરિયલોમાં જોવા મળ્યો છે. તેના પોરસના પાત્રને ખૂબ પસંદ કરવામાં આવ્યું હતું.‘દોસ્તાના 2’ની વાત કરીએ તો આ ફિલ્મ 2008માં આવેલી ફિલ્મ ‘દોસ્તાના’ની સિક્વલ છે. ‘દોસ્તાના’માં પ્રિયંકા ચોપરા, અભિષેક બચ્ચન અને જોન અબ્રાહ્મ જોવા મળ્યા હતા. આ ફિલ્મ હિટ હતી અને તેને કોન્સેપ્ટ દર્શકોને પસંદ આવ્યો હતો. આ ફિલ્મની સિક્વલમાં જ્હાન્વી, કાર્તિક અને લક્ષ્ય જોવા મળશે. રિપોર્ટ પ્રમાણે, આ ફિલ્મમાં જ્હાન્વી અને કાર્તિક ભાઈ-બહેનના રોલમાં જોવા મળશે. જેમાં બંનેનું દિલ એક જ યુવક પર આવે છે. હાલ તો કાર્તિક અને જ્હાન્વી અલગ-અલગ ફિલ્મોના શૂટિંગમાં બિઝી છે. ત્યાર બાદ તેઓ ‘દોસ્તાના 2’નું શૂટિંગ શરૂ કરશે. ઈલિયાનાને સોશિયલ મીડિયા યૂઝર્સે કર્યો આવો સવાલ, એક્ટ્રેસે આપ્યો જોરદાર જવાબ