ઋતંભરા દિક્ષિત, બોલિવુડની ફિલ્મોમાં વર્ષોથી માંનું કેરેક્ટર ખાસ ફોકસ મેળવતું રહ્યું છે. બોલિવુડનો ફેમસ ડાયલોગ ‘મેરે પાસ માં હૈ’ આજ સુધી સદા બહાર રહ્યો છે. તો આવો જોઈએ કેટલીક બોલિવુ઼ડની મોસ્ટ આઈકોનિક મધર્સ જેમણે પડદા પર માતાના પાત્રને અદભૂત રીતે નીભાવ્યું.
લલિતા પવાર- બોલિવુડની સ્ટ્રિક્ટ માતા
બોલિવુડની ફિલ્મોમાં સ્ટ્રિક્ટ માતા અથવા સાવકી માતાના રોલમાં પોતાના અભિનયથી લોકોમાં પ્રખ્યાત લલિતા પવારે 300 જેટલી ફિલ્મો કરી છે. બોલિવુડની ફિલ્મોની અન્ય માતાઓની જગ્યાએ લલિતા પવારનો રોલ સ્ટ્રિક્ટ અથવા એક રૂવાબદાર માતા તરીકે વધુ જોવા મળ્યો છે. ‘મિ. એન્ડ મિસિસ 1955’, ‘શ્રી 420’, ‘બ્લફ માસ્ટર’ અને ‘સંગમ’ જેવી ફિલ્મોમાં તેમના આ રોલે લોકોના દિલમાં કાયમી એક છાપ છોડી છે.
મધર ઈન્ડિયા- નરગિસ દત્ત
મધર ઈન્ડિયામાં નરગિસનું પાત્ર ખરેખર નારીશક્તિનું સમાજને ભાન કરાવે છે. જો એક માતા ધારે તો સમાજ દરેક દુષણો સામે અડીખમ લડીને પોતાના બાળકોને એકલે હાથે ઉછેરી શકે છે. આ ફિલ્મની વિષયવસ્તુ તેના સમય પ્રમાણે ઘણા અંશે બોલ્ડ કહેવાય પરંતુ નરગિસે મધર ઇન્ડિયાના પાત્રને બખૂબી ભજવીને સમાજમાં રહેતી સિંગલ મધર્સને ઉદાહરણ પૂરુ પાડ્યું છે.
દુઃખી માં- નિરૂપા રોય
બોલિવુડમાં માંનું ચિત્ર યાદ કરો એટલે પહેલો જેનો ચહેરો યાદ આવે તે નિરૂપા રોય, ફિલ્મોમાં નિરૂપા રોયે મોટેભાગે પરંપરાગત ભારતીય વિધવા માતાનો રોલ સ્ટીરીયો ટાઇપ રોલ ભજવ્યો છે. જે અનેક મુશ્કેલી છતા પોતાના દિકરાઓને ઊછેરે છે. તેમાં પણ દીવાર ફિલ્મમાં તેનો રોલ અને ‘મેરે પાસ માં હૈ’ ડાયલોગ આજે પણ સદાબહાર છે.
બોલિવુડની યંગેસ્ટ માં- રાખી
બોલિવુડની ફિલ્મોમાં ખૂબ નાની વયે માતાના રોલ ભજવ્યા હોય તો તે રાખીએ ભજવ્યા છે.. ફિલ્મ કરણ અર્જુનમાં માતા તરીકે રાખીનો રોલ ખરેખર યાદગાર છે. રાખીએ બાઝીગર, સોલ્જર, બાદશાહ, ખલનાયક, એક રિસ્તા અને રામલખન જેવી ફિલ્મોમાં માતાનો રોલ ભજવ્યો છે.
રાજશ્રી માતા- રીમા લાગૂ
રાજશ્રી પ્રોડક્શનની ફિલ્મમાં જો માતાનો રોલ હોય તો તે રીમા લાગૂના જ ફાળે હોય. રાજશ્રી પ્રોડક્શનની અનેક સુપર બ્લોકબસ્ટર ફિલ્મોમાં રીમાએ એક પરંપરાગત પ્રેમાળ માતાનો રોલ ભજવ્યો છે. ‘મૈંને પ્યાર કિયા’, ‘હમ આપકે હૈં કૌન’ અને ‘હમ સાથ સાથ હૈં’.
માતા છતા બેસ્ટ ફ્રેન્ડ- ફરિદા જલાલ
ફરિદા જલાલે બોલિવુડમાં જેટલા પણ માતા તરીકેના રોલ ભજવ્યા છે. તેમાં માતા કમ બેસ્ટ ફ્રેન્ડનો રોલ ભજવ્યો છે. ફરિદા હંમેશા તેના હાસતા ચહેરા અને બબલી એટિટ્યુટ સાથે સંતાનની બેસ્ટ ફ્રેન્ડ તરીકે દેખાઈ છે. માતા તરીકે તેના પ્રખ્યાત રોલ ‘દિલવાલે દુલ્હનીયા લે જાયેંગે’ ‘દિલ તો પાગલ હે’ અને ‘કુછ કુછ હોતા હે’માં ભજવ્યા છે.
સાદગી સાથે જાજરમાન માતા એટલે વહીદા રહેમાન
બોલિવુડમાં કેટલાક સમય માટે અભિનયને છોડી દિધા બાદ પણ જ્યારે વહિદા રહેમાને સિલ્વર સ્ક્રીન પર કમબેક કર્યું તો માતાના પાત્રમાં પડદા પર તેમની હાજરી એક જોરદાર છાપ છોડી ગઈ. વહીદા રહેમાને ‘ઓમ જય જગદીશ’ ‘વોટર’ અને ‘રંગ દે બસંતી’ જેવી ફિલ્મોમાં માતાનો રોલ ભજવ્યો છે.
પરફેક્ટ પંજાબી માતા- કિરણ ખેર
કિરણ ખેર મોર્ડન જમાનાની મોસ્ટ પોપ્યુલર બોલિવુડ માતા છે. આધુનિક જમાનામાં પોતાની નવી પેઢી સાથે તાલ મીલાવી અને આધુનિક વિચારસરણી ધરાવતી માતા તરીકે ‘દોસ્તાના’ અને ‘ખૂબસુરત’ જેવી ફિલ્મો કરી છે. તો ‘ઓમ શાંતિ ઓમ’ જેવી ફિલ્મમાં એકદમ જ નાટકીય માતા તરીકેનો રોલ ભજવ્યો છે. તો કુરબાન અને વીર ઝારા જેવી ફિલ્મમાં ઉગ્ર માતૃત્વના કિરદારને પડદા પર ઉતાર્યું છે. કિરણ બોલિવુડની એવી માતા છે જેને આજની પેઢી ચાહે અને વખાણે છે.
ગમે તેવી મુશ્કેલીમાં પણ અડગ માતા- જયા બચ્ચન
જયા બચ્ચને પોતાની કારકિર્દીમાં મોટેભાગે ઉગ્ર માતા તરીકેના રોલ નિભાવ્યા છે. એક તરફ ખીણ અને બીજી તરફ પહાડ જેવી સ્થિતિમાં ફસાયેલી માતા કઈ રીતે રસ્તો કાઢે છે તે જયાના રોલને જોઈને સમજી શકાય છે. જયા બચ્ચને ‘કભી ખુશી કભી ગમ’ ‘ફિઝા’ અને ‘કલ હો ના હો’ જેવી ફિલ્મોમાં પ્રખ્યાત માતાના રોલ નિભાવ્યા છે.
મોર્ડન મધર- રત્ના પાઠક શાહ
હાલના સમયમાં બોલિવુડમાં રહેલા ઉત્તમ કલાકારોમાંથી એક રત્ના પાઠક શાહ, આજના સમયની માતા માટે પરફેક્ટ એક્ઝામ્પલ છે. જે બધુ જ કરે, સ્ટ્રિક્ટ છતા પ્રેમાળ. રત્ના પાઠક શાહે ભજવેલા માતાના રોલ હંમેશા આપણી મન પર છવાયેલા રહ્યા છે. માતા તરીકેના તેના પ્રખ્યાત રોલ ‘જાને તુ યા જાને ના’ ‘ખૂબસુરત’ ‘કપૂર એન્ડ કપૂર સન્સ’ અને ‘સારાભાઈ vs સારાભાઈ’માં જોવા મળ્યા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.