ફિલ્મ ‘ખાનદાની શફાખાના’ની લીડ એક્ટ્રેસ સોનાક્ષી સિન્હા આ ફિલ્મમાં બેબી બેદીની ભૂમિકા ભજવી રહી છે, જેને વિરાસતમાં એક સેક્સ ક્લીનિક મળ્યું છે. હવે આ સેક્સ ક્લીનિક ચલાવવાની જવાબદારી સોનાક્ષી પર છે. એવું લાગી રહ્યું છે કે તે આ જવાબદારીને સારી રીતે નીભાવી રહી છે. જોકે આ પહેલીવાર નથી જ્યારે કોઈ ફીમેલ લીડ સેક્સ સાથે જોડાયેલી સમસ્યા પર લોકોને પ્રોસ્તાહીત કરી રહી હોય. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો સ્પષ્ટ છે કે સોનાક્ષીના માત્ર ફીમેલ ફેન્સ જ નહીં પરંતુ તેના મેલ ફેન્સ પર સોશિયલ મીડિયા દ્વારા આ પાત્ર ભજવવા બદલ પ્રશંસા કરી રહ્યા છે. આ વિશે વાત કરતા સોનાક્ષીએ કહ્યું, ‘મને હંમેશાથી ચેલેન્જિંગ પાત્ર ભજવવા પસંદ હતા અને એવી ફિલ્મો જેને હું ઓડિયન્સ તરીકે બેસીને જોઈ શકું. જે પ્રકારનો રિસ્પોન્સ મારા ફેન્સથી મને મળી રહ્યો છે, ખાસ કરીને મારા મેલ ફેન્સથી… આ સારો છે અને સરપ્રાઈઝિંગ પણ. મને આશા છે કે અમે પોતાની ફિલ્મ દ્વારા આ સોસાયટીમાં થોડો ફેરફાર લાવી શકીશું.’ હકીકતમાં સોનાક્ષી પોતાના ટ્વીટર એકાઉન્ટથી ફિલ્મનો એક નાનો વીડિયો શેર કર્યો છે. જેના કેપ્શનમાં લખ્યું છે, ‘હવે ચૂપ ન રહો અને વાત કરો. વધારે જાણકારી માટે મિસ્ડ કોલ કરો +91 7069588444 પર.’ વીડિયોમાં સોનાક્ષી પોતાના ક્લીનિકમાં બેઠેલી દેખાય છે. જ્યાં પોતાની ફરિયાદ લઈને પહોંચેલા લોકો સંકોચ અનુભવતા દેખાય છે. જણાવી દઈએ કે આ ફિલ્મ ‘ખાનદાની શફાખાના’ને ગુલશન કુમાર અને ટી-સીરિઝ પ્રેઝેન્ટ કરી રહી છે, જેનો ભૂષણ કુમાર, મહાવીર જૈન, મૃગદીપ સિંહ લાંબા અને દિવ્યા ખોસલા કુમારે પ્રોડ્યુસ કરી છે. ઉલ્લેખનીય છે કે ફિલ્મ પર દિલ્હીના એક સેક્સ એક્સપર્ટે પોતાના કામને બદનામ કરવાનો આરોપ લગાવ્યો હતો. જે બાદ દિલ્હી હાઈકોર્ટે મેકર્સને આ ફિલ્મ 26 જુલાઈએ સેક્સપર્ટને બતાવવાનો આદેશ આપ્યો હતો. આ મામલા પર 29 જુલાઈએ આગળની સુનાવણી થવાની છે. આ ફિલ્મ 2 ઓગસ્ટે રિલીઝ થશે.