આ છે કિયારા અડવાણીના પરફેક્ટ ફિગરનું સિક્રેટ, કંઈપણ થાય આટલું નથી ચૂકતી

વર્ષ 2019ની બોલિવુડની સૌથી સફળ ફિલ્મોમાંથી એક કબીર સિંહની એક્ટ્રેસ કિયારા અડવાણી આજકાલ અક્ષય કુમાર અને કરિના કપૂર સાથે આવનારી પોતાની ફિલ્મ ગુડ ન્યુઝના પ્રમોશનમાં બિઝી છે. ખૂબ સારી એક્ટ્રેસ હોવા સાથે સાથે કિયારા પોતાના ફિગરને મેઇન્ટેન રાખવા પાછળ એટલી મહેનત કરે છે કે તેના નજીકના લોકો તેને ફિટનેસ ફ્રિક તરીકે ઓળખાવે છે. પોતાને ફિટ, હેલ્ધી અને પરફેક્ટ ફિગરને જાળવી રાખવા માટે કિયારા શું શું કરે છે, જાણો અહીં તેનું સિક્રેટ…. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: બોલિવડ એક્ટ્રેસ મલાઈકા અરોરા, જાહ્નવી કપૂર, સારા અલી ખાનની જેમ કિયારા પણ ઘણીવાર જિમમાં પરસેવો પાળતી જોવા મળે છે. તે વર્ક આઉટ કરવા સાથે સાથે જિમ લુક ઇન્સ્પિરેશન પણ આપે છે. કિયારા પોતાના ઇન્સ્ટાગ્રામ એકાઉન્ટ પર પણ પોતાના વર્કઆઉટ વીડિયોઝ શેર કરે છે. જિમમાં વર્કઆઉટની વાત કરીએ તો કિયારાને પુલઅપ્સ ખૂબ પસંદ છે. આમ જોવા જઈએ તો આ એક સિમ્પલ એક્સર્સાઈઝ છે પરંતુ બોડીના રેઝિસ્ટેન્સ પાવરને વધારવામાં મદદ કરે છે. આ ઉપરાંત કિયારા કાર્ડિયો, સ્ક્વોટ્સ, પુશ-અપ્સ અને ફંક્શનલ ટ્રેનિંગ પર પણ ફોકસ કરે છે. કિયારા માને છે કે હેલ્ધી રહેવા માટે વર્કઆઉટ ખૂબ જ જરુરી છે. કિયારાના ડાયેટની વાત આવે તો દિવસની શરુઆત એક ગ્લાસ ગરમ પાણીમાં લીંબૂ નાખીને પીવા સાથે કરે છે. જેથી શરીરનું મેટાબોલિઝમ વધુ સારું બને અને શરીર ફિટ અને હેલ્ધી રહે છે. જ્યારે ખોરાકની વાત આવે ત્યારે કિયારા મોટાભાગ બ્રેકફાસ્ટમાં ઓટ્સ, ફ્રેશ ફ્રુટ્સ જેવા કે સ્ટ્રોબેરી, ઓરેન્જ અને સફરજન ખાવાનું પસંદ કરે છે. લંચમાં અને ડિનરમાં ઘરનું બનાવેલું સિમ્પલ ભોજન વધુ પસંદ છે. બહાર પણ ખાય તો ઓછા તેલ અને ઓછા મીઠાવાળું પસંદ છે.