સારાની ફિલ્મની રિલીઝ મામલે ડિરેક્ટર-પ્રોડ્યૂસર બાખડ્યાં

I am Gujarat

પ્રોડ્યૂસરને શું વાંધો પડ્યો?

મુંબઈ: સૈફ અલી ખાન અને તેની પૂર્વ પત્ની અમૃતા સિંહની દીકરી સારા અલી ખાન પોતાની કરિયર ફિલ્મ કેદારનાથથી શરુ કરવા જઈ રહી છે. જોકે, હવે લાગી રહ્યું છે કે, સારાની શરુઆત થોડી અસમંજસ ભરી રહેશે, કારણકે ફિલ્મ રિલીઝ થવાને લઈને નિર્માતા અને નિર્દેશક વચ્ચે ખટપટ ચાલી રહી છે. આ ફિલ્મ સાથે જોડાયેલા સૂત્રોના જણાવ્યા અનુસાર, નિર્દેશક અભિષેક કપૂર અને નિર્માત પ્રેરણા ચોપરા વચ્ચે ફિલ્મની રિલીઝની તારીખને લઈને માથાકૂટ ચાલી રહી છે.

પ્રોડ્યૂસરને ડિરેક્ટરનો આઈડિયા ફાલતુ લાગે છે

સૂત્રોનું માનીએ તો, અભિષેક આ ફિલ્મને શાહરુખ અભિનિત અને આનંદ એલ. રાય દ્વારા નિર્દેશિત ફિલ્મની સાથે રિલીઝ કરવાનું વિચારી રહ્યા હતા, પરંતુ શાહરુખ સાથે રિલીઝની ચર્ચા કરી રહેલાં પ્રોડ્યૂસર પ્રેરણા અરોરાને નિર્દેશક અભિષેકનો આ વિચાર ફાલતુ લાગે છે.

પ્રોડ્યૂસર શાહરુખને મનાવવામાં લાગ્યાં

સૂત્રોનું કહેવું છે કે, નિર્દેશક તો ફિલ્મની તારીખ ટ્વીટર પર જાહેર કરવાનું વિચારી રહ્યા હતા, જ્યારે બીજી તરફ પ્રોડ્યુસર શાહરુખને મનાવવામાં લાગ્યાં છે, જેથી કેદારનાથ આનંદની ફિલ્મ સાથે રિલીઝ ન થાય. બંને વચ્ચે આ ફિલ્મની રિલીઝને લઈને ગરમાગરમીનો માહોલ છે.