સુશાંત સિંહ રાજપૂતના મોતના સમાચારથી હજુ લોકો આઘાતમાંથી બહાર નથી આવી શક્યાં ત્યાં વધુ એક ટીવી એક્ટરે આત્મહત્યા કરી છે. રિપોર્ટ્સ અનુસાર, કન્નડ ટીવીના સ્ટાર અને 30 વર્ષીય એક્ટર સુશીલ ગોડાએ કર્ણાટકમાં પોતાના જ હોમટાઉન માંડ્યામાં આત્મહત્યા કરી છે. એક્ટરે શા માટે આત્મહત્યા કરી તેનું કારણ હજુ ખબર પડી નથી. જોકે, આ સમાચારથી તેના ફેન્સ આઘાતમાં સરી પડ્યા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
સુશીલ એક મંજાયેલો ટીવી કલાકાર
એક રિપોર્ટ અનુસાર સુશીલ ગૌડાએ 7 જુલાઈના રોજ આત્મહત્યા કરી હતી. જોકે, કોઈ આ બાબત માનવા જ તૈયાર નથી. સુશીલ એક મંજાયેલો ટીવી કલાકાર હતો અને ફિટનેસ ટ્રેનર અને મોડલ પણ હતો. જાણકારી અનુસાર, તે કન્નડ ફિલ્મ્સમાં પોતાનું નામ બનાવવા માટે પ્રયત્ન કરતો હતો અને એક ફિલ્મમાં પણ કામ કર્યુ હતું.
સીરિયલથી મેળવ્યું સ્ટારડમ
સુશીલ ગોડાએ રોમાન્ટિક ટીવી સીરિઝ ‘અંતપુરા’માં કામ કરીને સ્ટારડમ મેળવ્યું હતું. તેની સાથે કામ કરી ચૂકેલી એક્ટ્રેસ અમિતા રંગનાથે કહ્યું કે,’મને મારા દોસ્ત દ્વારા આ સમાચાર મળ્યા હતાં અને હજુ પણ મને વિશ્વાસ નથી થઈ રહ્યો કે સુશીલ ગૌડા હવે આપણી વચ્ચે નથી. તે ખૂબ જ સારો વ્યક્તિ હતો. ક્યારેય તેને ગુસ્સો આવતો નહોતો.’ સીરિયલ ‘અંતપુરા’ના ડિરેક્ટર અરવિંદ કૌશિકે પણ સુશીલના મોત પર શોક પ્રગટ કર્યો હતો.