અક્ષય માટે ટ્વિંકલે કહ્યું- 'તેમને ખાલી મારું મગજ ફ્રાય કરવાનું અને લોહી ઉકાળવાનું આવડે છે'

પતિ અક્ષય કુમાર (Akshay Kumar) હોય કે પછી વડાપ્રધાન નરેન્દ્ર (Narendra Modi) ટ્વિંકલ ખન્ના (Twinkle Khanna) પોતાની વાત કોઈ જ ખચકાટ વગર સીધે-સીધી રજૂ કરી દે છે. હવે એક વિડીયો સામે આવ્યો છે જેમાં અક્ષય કુમાર અને ટ્વિંકલ ખન્ના બાળકોના સવાલોના જવાબ આપી રહ્યા છે જેમાં પતિ-પત્ની વચ્ચે ચકમક પણ ઝરતી દેખાય છે. આ વિડીયો ઘણો જ વાયરલ થયો છે.

બાળકો દ્વારા તેમને વિવિધ સવાલ જવાબ કરવામાં આવી રહ્યા છે જેમાં એક બાળકી સવાલ કરે છે કે મને કૂક કરવું અને રમવું પસંદ છે, તમારા ઘરમાં બેસ્ટ કૂક કોણ છે? આ સવાલ સાંભળીને ટ્વિંકલ ખન્ના બૂક મૂકીને પોતાનો ચહેરો ઢાંકી લે છે. તેના પર અક્ષય તરત જ બોલે છે કે ઘરમાં સૌથી સારું ખાવાનું પોતે બનાવે છે, જેને સાંભલીને ટ્વિંકલ જવાબ આપે છે- આ બધું કૂક કરે છે, તેમને ખબર છે મારું મગજ કઈ રીતે ફ્રાય કરવાનું અને કઈ રીતે મારું લોહી ઉકાળવાનું. જે બાદ ટ્વિંકલ કહે છે અમારા ફેમિલીમાં બેસ્ટ શેપ તેમનો દીકરો આરવ છે.

ટ્વિંકલે કહ્યું આરવ રાજમાથી લઈને પિઝા સુધી બધું બનાવી શકે છે. જેના પર અક્ષયે કહ્યું કે તે ઘરમાં સેકન્ડ બેસ્ટ કૂક છે અને ટ્વિંકલ ખાવાનું નથી બનાવી શકતી.

એક બાળક અક્ષય કુમારને પૂછે છે કે તેમનો ફેવરિટ સુપરહીરો કોણ છે? જેના પર અક્ષય જવાબ આપીને કહે છે કે- ટાર્ઝન, કારણ કે બાળપણથી હું તે જોતો આવ્યો છું. જોકે, ટ્વિંકલે અક્ષયને વચ્ચે અટકાવીને કહ્યું કે સારું થશે જો બાળકો ફિક્શનલ સ્ટોરીના હીરોની જગ્યાએ રિયલ હીરોને પોતાના રોલ મૉડલ બનાવશે.

એક દીકરાએ પોતાની માતાના ડરાવી દેનારા કિસ્સા સંભળાવ્યા તો તે બોલી કે તેઓ પણ આવું કરે છે? જ્યારે તેમનો દીકરો આરવ નાનો હતો ત્યારે આરવને કહેતી હતી કે ખાવાનું ખાઈ લે નહીં તો મટલ લેડી આવશે અને તેની આંગળી કાપીને લઈ જશે અને પછી તેને ફ્રાય કરીને જુહુ માર્કેટમાં વેચશે. ટ્વિંકલે જણાવ્યું કે આ વાતો સાંભળીને તે ઘણાં સમય સુધી ફ્રેન્ચ ફ્રાઈઝ નહોતો ખાતો.

જેના પર અક્ષય કુમારે કહ્યું કે આ ખોટું છે અને આ રીતે બાળકોને ડરાવવા ના જોઈએ. તેમણે એ પણ કહ્યું કે ભગવાનનો આભાર માનો કે મારી દીકરી નિતારા ઘણી જ સમજદાર છે અને તે પોતાની માની આવી કોઈ વાતો સાંભળતી નથી. આ વિડીયો શેર કરીને ટ્વિંકલે લખ્યું કે આ મટન લેડીના કિસ્સાથી ડરાવવાના મુદ્દે પોતાને ગુનેગાર સમજે છે.