મુંબઈ: ફિલ્મમેકર સુજોય ઘોષની સસ્પેન્સ થ્રિલર ફિલ્મ ‘કહાની-2’નું ટીઝર પોસ્ટર મંગળવારે રિલીઝ કરાયું છે. તેમાં વિદ્યા બાલનનું પાત્ર દુર્ગા રાની સિંહનું છે, જે અપહરણ અને હત્યાના મામલામાં વોન્ટેડ આરોપી છે. વિદ્યા ચાર વર્ષ પહેલા 2012માં રિલીઝ થયેલી ‘કહાની’ ફિલ્મમાં પણ હતી. આ સીરીઝની બીજી ફિલ્મમાં તે 36 વર્ષની એક મહિલાનું પાત્ર નિભાવી રહી છે, જે હત્યા અને અપહરણના મામલામાં વોન્ટેડ છે.
વિદ્યા બાલન આ ફિલ્મના ટીઝર પોસ્ટરમાં તદ્દન સાદા લૂકમાં જોવા મળી રહી છે. ફેસબુક પર પોસ્ટ કરાયેલા ટીઝર પોસ્ટરના વીડિયોમાં કહેવાયું છે કે, ‘દુર્ગા રાની સિંહ નામની આ મહિલા, જેની ઉંમર 36 વર્ષ છે, ફરાર છે. આ મહિલા પર ખૂન અને અપહરણનો આરોપ છે. અમારા સૂત્રો મુજબ આ મહિલા આ શહેરમાં જ જોવા મળી છે. જો તમારામાંથી કોઈએ જોઈ છે કે કોઈને દેખાય તો તે સંપર્ક કરે.’ પોસ્ટરના અંતમાં ‘કહાની-2’ના ફેસબુકનું એડ્રેસ અપાયું છે.
‘કહાની-2’ને સુજોય ઘોષે ડાયરેક્ટ કરી છે. ઘો, આ ફિલ્મના કો-પ્રોડ્યૂસર પણ છે. બે ડિસેમ્બરે થિયેટર્સમાં રિલીઝ થવા તૈયાર આ ફિલ્મમાં અર્જૂન રામપાલ પણ મહત્વની ભૂમિકામાં છે. ચાર વર્ષ પહેલા આવેલી ‘કહાની’માં વિદ્યાએ એક ગર્ભવીત મહિલાનો રોલ નિભાવ્યો હતો, જેમાં તે તેના પતિને શોધતી હોય છે.