'કબીર સિંહ'ને પછાડી વર્ષની સૌથી વધુ કમાણી કરનારી ફિલ્મ બની 'વૉર'

દર્શકો તરફથી પોઝિટિલ રિસ્પૉન્સ બાદ રિતિક રોશન અને ટાઈગર શ્રૉફની ફિલ્મ ‘વૉર’ બૉક્સ ઑફિસ પર કમાણીના રેકોર્ડ તોડી રહી છે. આ ફિલ્મ હવે આ વર્ષની અત્યાર સુધીની સૌથી વધુ કમાણી કરનારી ફિલ્મ બની ગઈ છે. ફિલ્મે અત્યાર સુધી 279 કરોડ રૂપિયાનો બિઝનેસ કરી લીધો છે. બૉક્સઑફિસઈન્ડિયા.કૉમના રિપોર્ટ અનુસાર, શનિવારે ફિલ્મે કુલ 4.25 કરોડ રૂપિયાનો બિઝનેસ કર્યો. હવે આ ફિલ્મે કમાણી મામલે શાહિદ કપૂરની ‘કબીર સિંહ’ને પણ પાછળ છોડી દીધી છે. રિપોર્ટ્સમાં એમ પણ જણાવાઈ રહ્યું છે કે, ફિલ્મ પોતાના ત્રીજા વીકેન્ડ પર 12 કરોડ રૂપિયાની કમાણી કરી શકે છે. આ રીતે ફિલ્મની કમાણીનો આંકડો 300 કરોડને પાર કરી શકે છે. જણાવી દઈએ કે, ફિલ્મે ઓપનિંગ ડે પર 51.50 કરોડ રૂપિયાનો બિઝનેસ કર્યો હતો અને બહુ જ જલ્દી તેણે 200 કરોડ રૂપિયાની કમાણી કરી લીધી હતી. સિદ્ધાર્થ આનંદના ડિરેક્શનમાં બનેલી આ ફિલ્મમાં વાણી કપૂર અને આશુતોષ રાણા પણ મહત્વપૂર્ણ ભૂમિકા છે. ફિલ્મ 2 ઑક્ટોબરના રોજ રિલીઝ થઈ હતી.