જાણીતા કોરિયોગ્રાફર સરોજ ખાનનું શુક્રવારે મુંબઈના બાંદ્રા સ્થિત ગુરુ નાનક હોસ્પિટલમાં નિધન થઈ ગયું. તેમના નિધનથી ઈન્ડસ્ટ્રીને વધુ એક ઝટકો લાગ્યો છે. જણાવી દઈએ કે તેમને શ્વાસ લેવામાં પરેશાની આવવાના કારણે હોસ્પિટલમાં એડમિટ કરાયા હતા. આ પહેલા સરોજ ખાનનું ડાયાલિસિસ પણ કરવામાં આવતું હતું.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
સલમાન ખાન ઉઠાવી રહ્યો હતો સારવારનો ખર્ચ?
રિપોર્ટ્સ મુજબ, સરોજ ખાનની સારવારનો ખર્ચ સલમાન ખાન ફાઉન્ડેશન ઉઠાવી રહ્યું હતું. જ્યારે સલમાન ખાનની બહેન અલવીરા અગ્નીહોત્રીએ પણ સરોજ ખાનની સારવારમાં મદદ કરી હતી. સરોજ ખાનનું ઘર મલાડ વિસ્તારમાં હતું અને તે બાન્દ્રાના ગુરુ નાનક હોસ્પિટલમાં પોતાની સારવાર કરાવી રહ્યા હતા. જણાવી દઈએ કે સલમાન ખાન પણ બાંદ્રા વિસ્તારમાં રહે છે.
સલમાને હંમેશા જરૂરિયાતમંદ લોકોની મદદ કરી
ફિલ્મ ઈન્ડસ્ટ્રી સાથે જોડાયેલા લોકોનું કહેવું છે કે સલમાન ખાન હંમેશા જરૂરિયાતમંદ લોકોની મદદ માટે આગળ આવે છે. જ્યારે તેના ફાઉન્ડેશન તરફથી કરાતી મદદને લઈને એક્ટરે ક્યારેય મીડિયામાં વાત નથી કરી. જણાવી દઈએ કે સલમાન ખાનની બહેન અલવીરા અગ્નિહોત્રી અને પિતા સલીમ ખાનની દેખરેખમાં આ ફાઉન્ડેશન ચાલે છે.
સલમાને સરોજ ખાનને કામ આપવાનું પ્રોમિશ કર્યું હતું
હાલના દિવસોમાં સરોજ થાનને ખામને લઈને થોડી પરેશાની હતી. તેના પર સલમાન ખાને સરોજ ખાન સાથે મુલાકાત કરી. આટલું જ નહીં તેણે પોતાની આગામી ફિલ્મમાં કામ આપવાનું પણ પ્રોમિસ કર્યું હતું. જોકે આ પ્રોમિસ પૂરું થાય તે પહેલા જ સરોજ ખાનનું નિધન થઈ ગયું. સલમાન અને સરોજે ફિલ્મ ‘બીવી હો તો ઐસી’ અને ‘અંદાજ અપના અપના’ સહિત ઘણી ફિલ્મોમાં સાથે કામ કર્યું હતું.
જૂનિયર આર્ટિસ્ટની સારવાર કરાવી ચૂક્યો છે સલમાન
આ પહેલા જૂનિયર આર્ટિસ્ટ સઈદાએ જણાવ્યું હતું કે તેના કેન્સરની સારવારનો ખર્ચ સલમાન ખાનનું ફાઉન્ડેશન બીઈંગ હ્યુમન ઉઠાવી રહ્યું હતું. તેણે એમ પણ જણાવ્યું હતું કે, જ્યારે પણ તે સારવાર કરાવે છે, બીલ સલમાન ખાન પાસે જતું રહે છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.