FAU-G ગેમનું પહેલું લેવલ ગલવાન વૈલી પર બેઝ્ડ હશે, જાણો ક્યારે લોન્ચ થશે આ એક્શનપેક ગેમ

ભારતીય કંપની દ્વારા બેટલ રોયલ મોબાઈલ વિડીયો ગેમ FAU-G લોન્ચ કરવામાં આવી રહી છે. તેને બોલિવૂડ સ્ટાર અક્ષય કુમારની પાર્ટનરશિપમાં લોન્ચ કરવામાં આવશે. આ વિડીયો ગેમને ભારતમાં PUBG પ્રતિબંધિત થવાનો ફાયદો મળવાની શક્યતા છે. બેંગલુરુ બેઝ્ડ nCore ગેમ્સ દ્વારા Fearless and United: Guards (FAU-G) ગેમને ઓક્ટોબરના અંત સુધીમાં લોન્ચ કરવામાં આવશે. આ જાણકારી કંપનીના કો-ફાઉન્ડર વિશાલ ગોંડલે ન્યૂઝ એજન્સી રોઈટર્સને આપી છે.

ન્યૂઝ એજન્સીને ગોંડલે કહ્યું કે, આ ગેમને લાવવાની તૈયારી છેલ્લા કેટલાક સમયથી ચાલી રહી હતી. અહીં સુધી કે ગેમનું પહેલું લેવલ ગલવાન વેલી પર બેઝ્ડ હશે. તમને જણાવી દઈએ કે આ વર્ષે જૂનમાં ભારતીય અને ચીની સૈનિકો વચ્ચે ગલવાન વૈલીમાં એક હિંસક અથડામણ થઈ હતી. જેમાં 20 ભારતીય જવાનો શહીદ થઈ ગયા હતા.

આ કારણે જ ચીન અને ભારતમાં છેલ્લા કેટલાક દિવસોથી તણાવની સ્થિતિ બનેલી છે. આ જ ક્રમમાં ભારત સરકારે ચીન પર ડિજિટલ વોર કરતા પહેલા TikTok સહિત 59 એપ્લિકેશન પર પ્રતિબંધ મૂક્યો હતો અને હવે 118 એપ્સને ફરી પ્રતિબંધિત કરી છે, જેમાં PUBG મોબાઈલ ગેમ પણ સામેલ છે.

રોઈટર્સને આપેલા ઈન્ટરવ્યૂમાં વિશાલ ગોંડલે કહ્યું કે, FAU-Gનો મતલબ સૈનિક છે. આ પ્લેયર્સ માટે દેશભક્તિની પ્રેરણા બનશે અને તેની નેટ રેવન્યૂનો 20 ટકા ભાગ એક સરકારી ટ્રેસ્ટને આપવામાં આવશે. જે ડ્યુટી દરમિયાન શહીદ થનારા સૈનિકોના પરિવારને સપોર્ટ કરે છે.

તેઓ આગળ કહે છે કે, એક્ટર અક્ષય કુમારે પણ ગેમના કોન્સેપ્ટમાં મદદ કરી છે. ગોંડલ કહે છે કે, ગેમના ટાઈટલ નામ FAU-Gનું સૂચન અક્ષય કુમારે જ આપ્યું છે. ઉલ્લેખનીય છે કે પાછલા શુક્રવારે સાંજે જ બોલિવૂડ સ્ટાર અક્ષય કુમારે આ એક્શન મોબાઈલ ગેમની જાહેરાત કરી હતી.