આશા ભોંસલેની રેસ્ટોરન્ટમાં ટોમ ક્રુઝને ભાવી આ વાનગી, બે વખત મંગાવીને ખાધી

હોલીવૂડ સુપર સ્ટાર ટોમ ક્રુઝના ભારતમાં લાખો ચાહકો છે પરંતુ કદાચ તેમને ખબર નહીં હોય કે તેને ચિકન ટિક્કા મસાલા ખૂબ જ ભાવે છે. જોકે, આ વાતની જાણ ત્યારે થઈ જ્યારે યુકેમાં બર્મિંઘહામમાં આવેલી ભારતીય રેસ્ટોરન્ટ આશાસમાં ચિકન ટિક્કા મસાલા એક વખત નહીં પરંતુ બે વખત મંગાવીને ખાધા. ખાસ વાત એ છે કે આ રેસ્ટોરન્ટ બોલીવૂડના દિગ્ગજ ગાયિકા આશા ભોંસલેની છે.
ભાઈ તૈમૂર અને જેહ સાથે રક્ષાબંધન ન મનાવી શકી ઈનાયા, આ ચાર લોકોને બાંધી રાખડીડેઈલી મેલના અહેવાલ પ્રમાણે મિશન ઈમ્પોસિબલ સ્ટાર તાજેતરમાં જ હોટલની બહાર જોવા મળ્યો હતો. તેણે રેસ્ટોરન્ટની બહાર પોઝ આપ્યો હતો અને સાથે રેસ્ટોરેન્ટનો સ્ટાફ પણ હતો. આશા ભોંસલેએ પોતે ઈન્સ્ટાગ્રામ પોસ્ટ પર ટોમ ક્રુઝે પોતાની રેસ્ટોરેન્ટમાં ખાધું હોવાનું જણાવ્યું હતું. તેમણે લખ્યું હતું કે, મને તે જાણીને ઘણો આનંદ થયો હતો કે ટોમ ક્રુઝે આશાસ (બર્મિંઘહામ)માં ભોજનનો આનંદ ઉઠાવ્યો હતો. તેઓ ફરીથી આવે તેના માટે હું આતુર છું.
આશાસ રેસ્ટોરન્ટના ઓફિશિયલ ઈન્સ્ટાગ્રામ પેજ પર લખવામાં આવ્યું હતું કે, ટોમ ક્રુઝે અમારી રેસ્ટોરન્ટનાં લોકપ્રિય ચિકન ટિક્કા મસાલાનો ઓર્ડર આપ્યો હતો. તેમને આ વાનગી એટલી ભાવી હતી કે એક ડિશ પૂરી કર્યા બાદ તેમણે ફરીથી તેનો ઓર્ડર આપ્યો હતો.
મૃત હાલતમાં મળી આવી 'કંચના 3'ની એક્ટ્રેસ એલેક્ઝાન્ડ્રાટોમ ક્રુઝ હાલમાં બર્મિંઘહામમાં મિશન ઈમ્પોસિબલ-7નું શૂટિંગ કરી રહ્યો છે. તેણે આશાસ રેસ્ટોરન્ટમાં બે કલાક પસાર કર્યા હતા અને સ્ટાફ માટે 60 પાઉન્ડની ટિપ પણ મૂકી હતી.
કોરોનાના કારણે મિશન ઈમ્પોસિબલ-7ના શૂટિંગમાં ઘણો વિલંબ થયો હતો. તેનું પ્રોડક્શન ગત મહિને જ શરૂ થયું હતું. ટોમ ક્રુઝની મિશન ઈમ્પોસિબલ સીરિઝ ઘણી જ લોકપ્રિય છે. એક્શન અને થ્રિલરથી ભરપૂર આ સીરિઝની ફિલ્મોમાં ટોમ ક્રુઝ જાતે સ્ટન્ટ કરતો હોય છે. 59 વર્ષની વયે પણ તે મોટા ભાગના સ્ટન્ટ જાતે કરે છે.