વિલ સ્મિથે 550 ફૂટની ઊંચાઈએથી જમ્પ મારીને કર્યો ખતરનાક સ્ટંટ

I am Gujarat

રીયલ લાઈફ સ્ટંટ

આપણે અત્યારસુધી હોલિવૂડની ફિલ્મ્સમાં અચંબો પામી જઈએ તેવા અનેક એક્શન સીન્સ અને સ્ટંટ જોતા આવ્યા છીએ. પરંતુ, આ વખતે હોલિવૂડના જાણીતા અભિનેતા વિલ સ્મિથે તેની રીયલ લાઇફમાં દિલની ધડકન વધારી દે તેવો સાચો સ્ટંટ કરી દેખાડ્યો છે. વિલ સ્મિથ 50 વર્ષના છે અને આ ઉંમરે આ પ્રકારનો ખતરનાક સ્ટંટ કરવા બદલ દેશ-વિદેશના તેમના ફેન્સ અને આમજનતા વિલ સ્મિથના વખાણ કરી રહ્યા છે. સાથે વિલ સ્મિથનો આ ખતરનાક સ્ટંટનો વીડિયો સોશિયલ મીડિયા પર વાઈરલ થઈ રહ્યો છે.

50માં જન્મદિન નિમિત્તે કર્યો વિલ સ્મિથે સ્ટંટ

વાત જાણે એમ છે કે 25 સપ્ટેમ્બરના રોજ હોલિવૂડ સુપરસ્ટાર વિલ સ્મિથે તેમનો 50મો જન્મદિવસ ઊજવ્યો. પોતાના જન્મદિવસને વધુ સ્પેશિયલ અને રોચક બનાવવા માટે વિલ સ્મિથે ગ્રેન્ડ કેન્યન પરથી હેલિકોપ્ટર દ્વારા 550 ફૂટની ઊંચાઈએથી છલાંગ લગાવી દીધી. હવે આ સ્ટંટનો વીડિયો સોશિયલ મીડિયા પર ભારે પ્રમાણમાં વાઈરલ થઇ રહ્યો છે.

વિલ સ્મિથનું પાવરફુલ પરફોર્મન્સ

વિલ સ્મિથ મેન ઈન બ્લેક, આઈ એમ લીજેન્ડ, આઈ રોબોટ, હેન્કોક, ધ પરસ્યુટ ઓફ હેપ્પીનેસ અને બેડ બોય્ઝ જેવી સફળ હોલિવૂડ ફિલ્મ્સમાં પોતાના શાનદાર અભિનયનું પ્રદર્શન કરી ચૂક્યો છે.