મૂવી રિવ્યૂઃ ચંડીગઢ કરે આશિકી

એક્ટરઃ આયુષ્માન ખુરાના, વાણી કપૂર, તાન્યા અબરોલ
ડિરેક્ટરઃ અભિષેક કપૂર
શ્રેણીઃ હિંદી, રોમાન્સ, ડ્રામા
સમયઃ 2 કલાક 1 મિનિટ
રેટિંગઃ 4/5

વાર્તા
મનવિંદર મુંઝસ ઉર્ફે મનુ (આયુષ્માન ખુરાના) ફિટનેસ ફ્રિક છે. જિમનો માલિક છે. બોડીબિલ્ડર છે. એક લોકલ ચેમ્પિયનશિપની તૈયારી કરી રહ્યો છે. બાયસેપ્સ બનાવવા માને માટે દિવસ-રાત પરસેવો વહાવી રહ્યો છે. પોતાના હેતુને લઈને ફોક્સ્ડ છે. જો કે, જિમમાં થોડુ નુકસાન થઈ રહ્યું છે. વધારે લોકો આવી રહ્યા નથી. ત્યારે જ સ્થિતિ અને સમય બદલાય છે. માનવી બરારની (વાણી કપૂર) એન્ટ્રી થાય છે. તે જિમમાં ઝુમ્બા ઈન્સ્ટ્રક્ટર બનીને આવે છે. એક તરફ જિમમાં ભીડ જામે છે અને બીજી તરફ મનુ તેમજ માનવીના દિલમાં પ્રેમ જાગે છે. પરંતુ માનવીના જીવનમાં તેની સુંદરતા કરતાં પણ કંઈક વધારે છે. આ જ કહાણીનો સાર છે અને કહાણીનો યુ-ટર્ન પણ.

રિવ્યૂ
આપણે પડદા પર ઘણી પ્રેમ કહાણીઓ જોઈ છે. આ લવ સ્ટોરી મોટાભાગે એક જેવી હોય છે. છોકરો-છોકરી મળે છે. થોડો રોમાન્સ થાય છે. પહેલા નારાજગી થાય છે. પછી ઝઘડો થાય છે. પેચઅપ થાય છે અને બ્રેકઅપ થાય છે. પરંતુ અહીંયા બધુ અલગ છે. છોકરો-છોકરી મળે છે. છોકરીનો એક ભૂતકાળ હોય છે, જે મનુ માટે સૌથી મોટી પરેશાની છે. મનુ એક મેચો મેન છે. માનવીનું પાત્ર બિંદાસ છે. જેણે પૂરી હિંમત સાથે પોતાના જીવનને બદલ્યું છે. માનવી હવે તે બની છે, જે બનવા માગતી હતી. તે નવી ઓળખાણને લઈને ગર્વનો અનુભવ કરે છે અને આઝાદીનો પણ. આ પોતાની 'અસલિયત'ને સ્વીકાર કરવાના સાહસની કહાણી છે. પરંતુ શું સમાજ અને તેનો પરિવાર તેની આ 'પસંદ'ને સ્વીકારશે? શું પોતાની સામાન્ય દુનિયામાં હવે 'સામાન્ય નહીં' રહે?ડિરેક્ટર અભિષેક કપૂર ફિલ્મમાં વૃક્ષની આસપાસ રોમાન્સ દેખાડવાથી વધારે સીધા મુદ્દા પર આવે છે. દર્શકોની મનુ, તેના મિત્રો અને પરિવાર સાથે મુલાકાત કરાવ્યા બાદ ડિરેક્ટર સીધા માનવીની દુનિયામાં લઈ જાય છે. ધીમે-ધીમે માનવીના ભૂતકાળ વિશે ખુલાસો થાય છે. તેઓ જેમ-જેમ માનવીના 'સત્ય' માટે તૈયાર કરે છે, તેમ મનુના વિચાર, તેના આઘાત, તેના અવિશ્વાસ અને તેના ડરનો પણ અહેસાસ કરે છે. જે તેને તે છોકરી વિશે વધારે જાણવાથી અટકાવે છે, જેને તે ખૂબ પ્રેમ કરે છે. પરંતુ ત્યારે તે ક્ષણ આવે છે ત્યારે મનુ પોતાને અને સ્થિતિને સંભાળે છે. તેમાં વધારે ડ્રામા થતો નથી.

અભિષેકે ફિલ્મમાં ગંભીર મુદ્દો ઉઠાવ્યો છે. સાથે જ કોમેડી સાથે તેને મજેદાર બનાવી છે. જ્યાં પણ મુદ્દાની વાત કરવામાં આવી છે, ત્યાં તેને સંવેદનશીલતા, ગંભીરતા અને પરિપક્વતા સાથે દેખાડી છે. તેણે આ વિષય સાથે જોડાયેલા દરેક પક્ષને સામેલ કર્યો છે.

સુપ્રતીક સેન અને તુષાર પરાંજપે સ્ક્રીનપ્લે અને ડાયલોગ્સ પર સારું કામ કર્યું છે. કેટલાક સીન્સ ખૂબ જ સારા છે. તે પછી મુંજલ પરિવાર મનુ પર લગ્નનું દબાણ કરવાનું હોય, તેના વિધુર પિતા (ગિરીશ ધમીજા)ને મુસ્લિમ પ્રેમિકા સાથે લગ્ન કરવાની રાહ હોય, માનવીના પિતાનું (કંવલજીત સિંહ) દીકરીની પસંદને સપોર્ટ કરવાનુ હોય કે પછી મનુના જીવનમાં દખલગીરી કરવાની બહેનોની આદત...દરેક સીનમાં સ્ક્રીનપ્લે ટાઈટ છે અને આ તમને બાંધીને રાખે છે

એક્ટિંગ
આયુષ્માન ખુરાનાએ પોતાના પાત્રને બખૂબી નિભાવ્યું છે. રોલ માટે તેણે કરેલી મહેનત દેખાય છે. ચંડીગઢના છોકરાના રોલમાં આયુષ્માન બધાના દિલ જીતી લે છે. વાણી કપૂરે શરૂઆતથી અંત સુધી પોતાના પાત્રમાં એક ફ્લોને મેન્ટેન રાખ્યો છે. કેટલાક સીનમાં તે બાકી બધા પાત્રો પર ભારે પડે છે. વાણી અને આયુષ્માનની કેમેસ્ટ્રી જબરદસ્ત છે.

મનુના જુડવા ભાઈઓના રોલમાં ગૌરવ અને ગૌતમ શર્મા દિલ જીતી લે છે. મનુના દાદા બનેલા અંજાન શ્રીવાસ્તવ, કંવલજીત સિંહ, તાન્યા અબરોલ, ગિરીશ ધમેજા સપોર્ટિંગ રોલમાં રોનક લાવ્યા છે