મૂવી રિવ્યૂઃ બ્લેકમેલ

I am Gujarat

આવી છે સ્ટોરી

દેવ (ઈરફાન ખાન) ટોઈલેટ પેપર સેલ્સમેન છે. એક સાંજે તે કામમાંથી વહેલો છૂટીને પત્ની માટે ગુલાબનો ગુલદસ્તો લઈ ઘરે આવે છે ત્યારે તેની પત્ની બેડ પર કોઈ અન્ય યુવક સાથે જોવા મળે છે. આ પછી ક્રમબદ્ધ અનેક ઘટનાઓ થાય છે. જે મજેદાર હોય છે. આ ફિલ્મનું જમાપાસું તેની સર્વશ્રેષ્ઠ સ્ક્રિપ્ટ છે.

મિડલ ક્લાસ વ્યક્તિની સમસ્યાઓ

મિડલ ક્લાસ વ્યક્તિ પોતાની જ પરિસ્થિતિઓનો શિકાર હોય છે. જ્યારે મતભેદની સ્થિતિ સર્જાય છે ત્યારે તે અપરાધ કરવા માટે સંઘર્ષ કરે છે. તે પોતાના ભાગ્ય પર બધું છોડી દે છે. બ્લેકમેલનો કોન્સેપ્ટ આ જ છે. આ દરેક ઉથલપુથલમાં સારો ટ્વિસ્ટ આવે છે. જેમાં સામાન્ય વ્યક્તિની રોજની મુશ્કેલીઓ જેવી કે ઈએમઆઈ, લોન અને અસફળ રિલેશનશિપ્સ બતાવવામાં આવી છે.

ધમાકેદાર કોમેડી

જ્યારે દેવને પત્ની વિશે જાણ થાય છે ત્યારે તેના લવર રણજીત (અરૂણોદય સિંહ)ને બ્લેકમેલ કરે છે. જે પછીથી દેવની પત્નીને બ્લેકમેલ કરે છે. ડ્રામા ત્યારે વધી જાય છે જ્યારે દેવની જિંદગીના અન્ય કેરેક્ટર્સને તેના બ્લેકમેલિંગના પ્લાન વિશે જાણ થાય છે. આ પછી કોઇને કોઇ રીતે એકબીજાને બ્લેકમેલ કરવા લાગે છે. અહિથી જ સિચ્યુએશનલ કોમેડી થાય છે. જે મજેદાર હોય છે. પરવેશ શેખ (ક્વીન અને બજરંગી ભાઈજાનનો રાઈટર)એ ખૂબ જ મજેદાર સ્ટોરી લખી છે. આ દ્રશ્યોમાં કોમેડી સારી રીતે ઉપજાવી છે.

ઈન્ટરેસ્ટિંગ હ્યુમર

ફિલ્મનો પહેલો હાફ થોડો ધીમો છે. પ્લેટ સેટ થવામાં થોડો સમય લાગે છે. આ પછીનું હ્યુમર રસપ્રદ છે. બીજા હાફમાં કોમેડી આવે છે.અભિનય દેવનું ડિરેક્શન કમાલનું છે. ‘દેલ્હી બેલી’ પછી તેણે એકવાર ફરી કમાલ કર્યો છે. આ ફિલ્મનું ટોઈલેટ હ્યુમર તમને ‘દેલ્હી બેલી’ની યાદ અપાવશે. ફિલ્મમાં અમિત ત્રિવેદીનું સંગીત સારૂ છે. આ ઉપરાંત ઓમી વૈદ્યએ પણ સારી એક્ટિંગ કરી છે. કુલ જોવા જઈએ તો બ્લેકમેલનું પ્રેઝન્ટેશન ખૂબ જ ઉત્તમ છે.

કેવું છે સ્ટાર્સનું પર્ફોર્મન્સ

જો વાત કરવામાં આવે એક્ટિંગની તો ઈરફાને એક સામાન્ય વ્યક્તિ તરીકે સોલિડ પર્ફોર્મન્સ આપ્યું છે. તેણે જે રીતે પોતાના કેરેક્ટરમાં લાચારી બતાવી છે. તે સોલિડ છે. તે બ્લેકમેલનું પ્લાનિંગ કરે છે તે ખરેખર જોવાલાયક છે. બેડ બોય તરીકે અરૂણોદય સિંહે પણ ઉત્તમ પર્ફોર્મન્સ આપ્યું છે. આ તેના કરિયરનું સૌથી શ્રેષ્ઠ પ્રદર્શન છે. રણજિતની પત્ની તરીકે દિવ્યા દત્તાનું પર્ફોર્મન્સ પણ લાજવાબ છે. અરૂણોદય સાથે તેના સીન્સ આકર્ષક છે. કીર્તિ કુલ્હારીએ પણ પોતાનું કેરેક્ટર સારી રીતે કર્યું છે.

મજેદાર ફિલ્મ

બ્લેકમેલનો પ્લોટ જ તેનો હિરો છે અને આ ડાર્ક અને ફની વચ્ચે બેલેન્સ બતાવે છે. આ ફિલ્મનું બ્લેક હ્યુમર સૌથી શ્રેષ્ઠ જમાપાસું છે. દર્શકોને લાંબા સમય પછી આવી એક મજેદાર ફિલ્મ જોવા મળશે.