ફિલ્મની વાર્તાઃ ‘મંટો’ જાણીતા લેખક સઆદત હસન મંટોના જીવન પરથી બનેલી બાયોપિક ફિલ્મમાં તેમના જીવનના ઉતાર-ચઢાવથી લઈને વિવાદ અને આનંદની પળોને ખૂબ જ ચીવટ પૂર્વક ફિલ્મની એક એક ક્ષણમાં જીવંત કરવામાં આવી છે.
રુપેરી પડદે જીવંત થયા મંટો ફરી એકવાર
રિવ્યૂઃ સામાન્ય રીતે લેખકોના જીવનમાં એક અજબ એકલતા હોય છે અને એ જ એકલતાનો જવાબ તેમને પોતાની કાલ્પનિક વાર્તાઓ અને પાત્રોમાં મળે છે અને પછી રચાય છે અદભૂત કૃતિ, ઘણીવાર તે પાત્રો કોઈને કોઈ સત્ય ઘટના કે વ્યક્તિ સાથે પણ મેળ ખાતા હોઈ શકે છે. આ લેખકો હજારોની ભીડમાં ઘેરાઈને પણ પોતાની અલગ જ દુનિયામાં મસ્ત હોય છે. અથવા એવું કહો તો પણ ચાલે કે તેમને પોતાની હકીકત અને કાલ્પનિક દુનિયા વચ્ચે તાળમેળ બેસાડવામાં ખૂબ મહેનત કરવી પડે છે. તે જ રીતે ઉર્દૂના મહાન કવિ અને લેખક સઆદત હસન મંટો સાથે પણ આવું જ થયું. તેમને પણ પોતાની કાલ્પનિક દુનિયા આસપાસની રિયલ દુનિયા કરતા વધુ રિયલ લાગી, જોકે તેમ છતા તેમની વાર્તાઓમાં સમાજનું નગ્ન સત્ય કોઈપણ જાતના આડંબર વગર દેખાતું હતું. તેમાં પણ ખાસ કરીને એ કડવું સત્ય જે તેમણે પોતે અનુભવ્યું હતું.
રિયલ અને કાલ્પનિક સમાજની ભિન્નતા બખૂબી દર્શાવી
એક્ટ્રેસ અને ફિલ્મ મેકર નંદિતા દાસે મંટોના જીવનના રિયલ અને કાલ્પનિક સમાજ વચ્ચેની ભિન્નતાને બખૂબી ફિલ્મી પડદે ચીતરી છે. મંટોના જીવનમાં સેન્સરનો ખૂબ જ મુખ્ય ભાગ રહ્યો. તેમના લખેલા લેખો પર સેંસરશિપથી લઈને અશ્લીલતા સુધીના કેસ થયા. સેંસરશિપ મંટોના જીવનમાં એક એવો ભાગ હતો જેને તેમણે આજીવન સહ્યો અને તે દરમિયાન તેમની કેવી વ્યથા અને સ્થિતિ રહી હશે તે અંગે ખૂબ ઉંડાણપૂર્વક અને રસપ્રદ રીતે નંદિતા દાસે ફિલ્મનું દિગદર્શન કર્યું છે. મંટોએ ભારત-પાકિસ્તાન વિભાજનથી લઈને, પુરુષ પ્રધાન સમાજની માનસિક્તા, ધાર્મિક અસહિષ્ણુતા અને બોમ્બે માટે પ્યાર જેવા અનેક કિસ્સાઓને પોતાની આગવી શૈલીમાં દર્શકો માટે પરોસ્યા છે.
અફલાતૂન સિનેમોટોગ્રાફી અને પ્રોડક્શન ડિઝાઇન, ભૂતકાળ ફરી તાજો થયો
કાર્તિક વિજયની સિનેમોટોગ્રાફી અને રીતા ઘોષની પ્રોડક્શન ડિઝાઇનના કારણે આઝાદી પહેલા અને પછીનો માહોલ એકદમ જીવંત બનીને તમારી આંખ સામે આવી જાય છે. જાણે એવું લાગે કે ફિલ્મ તે સમયમાં જ જઈને શૂટ કરી હોય અને મંટોના કિરદારમાં હિંદી ફિલ્મ ઇન્ડસ્ટ્રીના બેશકિંમતી હીરા સમાન નવાઝુદ્દીન સિદ્દીકીને કોઈ થોડું ભુલી શકે. તેમણે મંટોના કિરદારમાં પ્રાણ ફુંકી દીધા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.