તનુજા ચંદ્રાનો સમાવેશ ગ્લેમર ઈન્ડસ્ટ્રીના એ ડિરેક્ટર્સમાં થાય છે જે બોક્સ ઑફિસ કલેક્સનની પરવા કર્યા વિના એવી ફિલ્મો બનાવે છે જે લોકોને પસંદ આવે. તેમની ફિલ્મ લિમિટેડ ક્લાસ માટે હોય છે. હવે તનુજા ચંદ્રા ઈરફાન ખાન જેવા મંજાયેલા કલાકારને લઈને કરીબ કરીબ સિંગલ જેવી ફિલ્મ લઈને આવ્યા છે. આ ફિલ્મ બોલિવુડની ચીલાચાલુ મસાલા ફિલ્મો કરતા અલગ છે પરંતુ તેને જોઈને એક દૂજે કે લિયે, ટુ સ્ટેટ્સ વગેરે ફિલ્મોની યાદ આવે છે.
હટકે ટ્રીટમેન્ટઃ
આ ફિલ્મમાં એક નોર્થ ઈન્ડિયન અને સાઉથ ઈન્ડિયનની પ્રેમ કહાની છે. આ સ્ટોરીને ખૂબ જ અલગ અંદાજમાં રજૂ કરવામાં આવી છે. ફિલ્મની જરૂરિયાતને ધ્યાનમાં રાખીને ફિલ્મને દિલ્હી, અલવર, ઋષિકેશ, ગંગટોક જેવા લોકેશન્સ પર શૂટ કરવામાં આવી છે. તનુજાએ પોતાની સિમ્પલ સ્ટોરીને આ લોકેશન્સ પર જે રીતે કંડારી છે તે જ આ ફિલ્મની યુએસપી બની ગઈ છે.
સ્ટોરીઃ
જયા (પાર્વતી) દક્ષિણ ભારતીય છે અને તેની ઉંમર લગભગ 45 વર્ષ છે. થોડા વર્ષ પહેલા જ તેના પતિનું મૃત્યુ થઈ ચૂક્યું છે. સિંગલ જયા પોતાના જીવનને નવેસરથી શરૂ કરવા લાઈફ પાર્ટનર શોધી રહી છે. જયાની પસંદગી બીજા બધા કરતા અલગ છે. તેને પોતાને સમજી શકે તેવો લાઈફ પાર્ટનર જોઈએ, એવી વ્યક્તિ જે તેના જેવી હોય.
જયા-યોગીની કેમિસ્ટ્રીઃ
જયાએ પોતાની પ્રોફાઈલ એક વેબસાઈટ પર નાંખી છે. તેને વેબસાઈટ પરથી ઘટિયા રિસ્પોન્સ મળે છે પરંતુ તેને તેની પરવા ની. આવામાં જયાને યોગીની પ્રોફાઈલ મળે છે જેની ઊંમર તેના જેટલી જ છે. યોગી મનમોજી અને પોતાની લાઈફમાં મોજમસ્તીથી રહેનારી વ્યક્તિ છે. યોગીની પ્રોફાઈલ જોયા પછી જયા તેને મળવાનું નક્કી કરે છે.
ઉત્તર-દક્ષિણનો મેળ થશે?
યોગીને મળ્યા પછી જયાને અહેસાસ થાય છે યોગી તેના કરતા સાવ વિરૂદ્ધ જ સ્વભાવની વ્યક્તિ છે. તે પોતાની પ્રેમિકાઓ અંગે કોઈપણ ખચકાટ વિના વાત કરે છે અને જયાને તેમને મળાવવાનો પ્રસ્તાવ પણ મૂકે છે. યોગીની ગર્લફ્રેન્ડ્સને મળવા જયા તેની સાથે ઋષિકેશ, અલવર, ગંગટોક જાય છે અને ત્યારે નવાઈ પામી જાય છે જ્યારે તેની પ્રેમિકાનો પતિ તેને પોતાનો સાળો અને તેના બાળકો તેને મામા કહી બોલાવે છે. અહીં ફ્લાઈટ, ટ્રેન, ટેક્સીમાં જર્નીની આસપાસ યોગી-જયાની જર્ની આકાર લે છે.
પરફોર્મન્સઃ
ઈરફાન અને પાર્વતી બંને પોતાના કેરેક્ટરમાં એકદમ ફિટ બેસે છે. પાર્વતી સાઉથની જાણીતી એક્ટ્રેસ છે અને તેણે પોતાના કેરેક્ટરને બરાબર ન્યાય આપ્યો છે. ઈરફાન જ્યારે પણ સ્ક્રીન પર આવે ત્યારે દર્શકોને હસવાનો મોકો મળે છે. નેહા ધૂપિયા, ઈશા શ્રવણી, નવનીત નિશાન અને કેમિયો રોલમાં બ્રિજેન્દ્ર કાલા પોતાની છાપ છોડી ગયા છે.
ફિલ્મના સારા-નબળા પાસાઃ
આ ફિલ્મમાં ગીતોને ફિલ્મનો રીતસર હિસ્સો બનાવવામાં આવ્યા છે. જાને દો અને ખત્મ હો જેવા સોંગ્સ જોવાની મજા આવે છે. ફિલ્મના લોકેશનના જેટલા વખાણ કરવામાં આવે તેટલા ઓછા છે. ટેકસીથી માંડીને પ્લેન સુધી અને ટ્રેનના લક્ઝરી ક્લાસથી માંડીને સ્લીપર ક્લાસના સીન્સ ખૂબ જ અસરકારક છે. ઋષિકેશ અને ગંગટોકના લોકેશન ઓડિયન્સના દિલ જીતી લેશે. પરંતુ ફિલ્મની ગતિ ઘણી ધીરી છે જેને કારણે ઓડિયન્સ કંટાળી જાય.
ફિલ્મ જોવા જેવી છે કે નહિ?
ફિલ્મ જોવાના બે કારણ છે. ઘણા સમય પછી તનુજા ચંદ્રાની સ્ટાઈલની ફિલ્મ બની છે. બીજુ, ઈરફાન અને તનુજાની કેમેસ્ટ્રી ગજબ છે. પરંતુ ફિલ્મની સ્ટોરી ગોકળગાય ગતિએ આગળ વધે છે અને ફિલ્મના સીન્સ ઘણા લાંબા છે. આ ઉપરાંત દર્શકોને પહેલેથી જ ક્લાઈમેક્સ ખબર પડી જાય છે જેને ફિલ્મની ખામી ગણી શકાય.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.