અક્ષય કુમારે મુંબઈમાં 18 કરોડમાં ચાર ફ્લેટ ખરીદ્યા..

I am Gujarat

સૌથી વધુ પ્રોપર્ટી ધરાવતો સ્ટાર છે અક્ષય

સતીશ નંદગાવકર: બોલિવૂડ એક્ટર અક્ષય કુમારે પ્રોપર્ટી ખરીદવા માટે જાણીતો છે. એવું કહેવામાં આવે છે કે, બોલિવૂડમાં જુદી-જુદી પ્રકારની સૌથી વધારે પ્રોપર્ટી તેની પાસે જ છે. લગભગ 10 દિવસ પહેલા જ તેણે પોતાના આ લિસ્ટમાં વધુ કેટલાક એપાર્ટમેન્ટ્સ શામેલ કર્યા. આ લાંબા-પહોળા ફ્લેટ્સ અંધેરી (વેસ્ટ)ની એક 38 માળની ઈમારતમાં છે.

આ જગ્યાએ ખરીદ્યા 4 નવા ફ્લેટ્સ

અક્ષય પોતાની પત્ની ટ્વિંકલ, પુત્ર આરવ અને પુત્રી નિતારા સાથે અત્યારે જુહૂના એક ડ્યૂપ્લેક્ષ એપાર્ટમેન્ટમાં રહે છે. અક્ષયનો એક ફ્લેટ લોખંડવાલા અને એક ડ્યૂપ્લેક્ષ બાન્દ્રામાં પણ છે. આ ઉપરાંત તેને થોડા વર્ષ પહેલા ગોવાના અંજુનામાં કાસા દે સોલમાં એક પોર્ટુગીઝ સ્ટાઈલનો વિલા પણ ખરીદ્યો હતો. બાન્દ્રાની રજિસ્ટ્રેશન ઑફિસના સૂત્રો અનુસાર, અક્ષયે 1 નવેમ્બરે અંધેરી (વેસ્ટ)ના ન્યૂ લિંક રોડ પર ઑબેરોય સ્પ્રિંગથી આગળ સ્થિત એક ટ્રાન્સકૉન ટ્રાયમ્ફમાં 21મા માળે 4 ફ્લેટ ખરીદ્યા છે. આ તમામ ફ્લેટ 2200 સ્ક્વેર ફૂટના છે અને અક્ષય કુમાર ભાટિયાના નામે રજિસ્ટર થયા છે. દરેક ફ્લેટની કિંમત 4.5 કરોડ રૂપિયા કહેવાઈ રહી છે.

શું છે નવા ફ્લેટ્સની ખાસિયતો

ટ્રાન્સકૉન ટ્રાયમ્ફ એક 38 માળિયો લક્ઝરી પ્રોજેક્ટ છે જેમાં 3.5 કરોડથી 10 કરોડની કિંમતના ફ્લેટ છે. અહીં જૉગિંગ પાર્ક, સ્વિમિંગ પુલ, ઈન્ફિનિટી ડેક, બારબેક્યૂ કૉર્નર, ફિટનેસ સેન્ટર, બાળકોના રમવાની જગ્યા અને મલ્ટીપર્પઝ કોર્ટની સુવિધાઓ છે. જ્યારે આ અંગે ટ્રાન્સકૉન ડેવલપર્સના પ્રવક્તાને પૂછવામાં આવ્યું તો તેમણે કોઈ કોમેન્ટ કરવાની ના પાડી દીધી. બીજી બાજુ આ મુદ્દે અક્ષય કુમારના પ્રવક્તા પણ કોઈ કોમેન્ટ અવેલેવલ નથી.