છેતરપિંડીનો ભોગ બની 'નાગિન'ની આ એક્ટ્રેસ

I am Gujarat

અદા ખાન સાથે થયો ફ્રોડ

એકતા કપૂરના ટીવી શો ‘નાગિન’ અને ‘નાગિન 2’માં પોતાની વેમ્પ અદાઓથી અદા ખાને દરેકને પોતાના દિવાના બનાવ્યા હતાં. જોકે, રિયલ લાઇફમાં તેની સાથે એક વિચિત્ર ઘટના બની છે. એક રિપોર્ટ અનુસાર તેના બેંક એકાઉન્ટમાંથી લગભગ 2 લાખ રૂપિયાનો ફ્રોડ કરવામાં આવ્યો છે.

કરવામાં આવી રૂપિયાની ઉઠાંતરી

એવા રિપોર્ટ છે કે તેનું ડેબિટ કાર્ડ ક્લોન કરવામાં આવ્યું છે અને તેમાંથી રૂપિયાની ઉચાપત થઇ છે. અદાએ આ વિશે વાતચીત કરતાં કહ્યું કે,શનિવારની રાતે આશરે 11.50 વાગ્યે તે સૂઇ રહી હતી. તેની પાસે અચાનક ચાર મેસેજ આવ્યા. એક મેસેજમાં 8 વાગ્યે 24 હજાર રૂપિયા નીકાળવામાં આવ્યાં હતાં. આ વાંચીને તેને ઝટકો લાગ્યો હતો.

ડેબિટ કાર્ડ ક્લોન કરી થયો ફ્રોડ

અદાએ જણાવ્યું કે,’પછી મેં સૌથી પહેલા મારૂ ડેબિટ કાર્ડ ચેક કર્યું હતું. મારૂ ડેબિટ કાર્ડ મારી પાસે જ હતું. પછી મેં કોલ સેન્ટરમાં કોલ કર્યો. જ્યાં સુધી હું કનેક્ટ કરૂં ત્યાં સુધી ચારવાર રૂપિયા નીકળી ગયાં હતાં. કોલ સેન્ટરમાં રહેલા વ્યક્તિએ જણાવ્યું કે એવું બની શકે છે કે મારૂ કાર્ડ ક્લોન થઇ ગયું હોય. તેણે તરત જ મારૂ કાર્ડ બ્લોક કર્યું.’

પોલીસમાં કરી ફરિયાદ

આ પછી અદા ખાન પોલીસ સ્ટેશનમાં ગઇ હતી. પોલીસે જણાવ્યું કે,’હાલ આવી ઘટનાઓ બનતી રહે છે. જેથી આ શક્ય છે કે તમારા ખાતામાંથી કોઇએ રૂપિયાની ઉચાપત કરી હોય. જોકે, અમે આ મામલે વધુ તપાસ કરીશું.’

પોલીસ કરી રહી છે તપાસ

અદાએ જણાવ્યું કે બેંક અને પોલીસ બન્નેએ મને સહયોગ આપ્યો અને આ મામલે તપાસ કરી રહ્યાં છે. અદાએ જણાવ્યું કે તે સાચી વાત છે કે તેણે આ પહેલા પણ ક્લોનિંગ વિશે સાંભળ્યું છે પરંતુ તે આ વાતને સીરિયલ લેતી નહોતી. આ સાથે જ જ્યારે મારી સાથે આ ઘટના થઇ તો મને ખુબ જ દુખ થયું છે. હું ઇચ્છું છું કે મારી સાથે બનેલી આ ઘટનાથી સામાન્ય લોકોને પણ જાણકારી મળે.

રાખો સાવધાની

અદાએ જણાવ્યું હતું કે બેંક અને પોલીસે જાણકારી આપી હતી કે કાર્ડ ક્લોન કરવું કોઇ અઘરૂં કામ નથી. જેથી કોઇપણ રેસ્ટોરન્ટ અથવા કોઇપણ જગ્યાએ તમારૂ કાર્ડ વાપરો તો સાવધાની રાખવી જરૂરી છે.