લ્યો બોલો, અમિતાભને પણ પોતાની ફિલ્મ રિલીઝ કરવા કરવી પડે છે વિનંતી!

I am Gujarat

નવાઈ લાગે એવી વાત છે, પણ છે હકીકત

મુંબઈ: બોલિવુડના મહાનાયક અમિતાભ બચ્ચન જેવા દિગ્ગજ કલાકારની ફિલ્મ પણ અટકી જાય, એ સાંભળીને નવાઈ તો ચોક્કસ લાગે. પણ, આવું હકીકતમાં બન્યું છે. તેમને પણ ફિલ્મ રિલીઝ થવાની રાહ જોવી પડી રહી છે અને રિલીઝ થઈ શકે તે માટે અપીલ કરવી પડી છે.

10 વર્ષથી અટકી પડી છે ફિલ્મ

હકીકતમાં, બિગ બીની ફિલ્મ ‘શૂબાઉટ’ છેલ્લા 10 વર્ષથી અટકી પડી છે, જેને શૂજીત સરકારે ડિરેક્ટ કરી છે. હવે બિગ બીએ સોશયલ મીડિયાના માધ્યમથી આ ફિલ્મને રિલીઝ કરવાની માગ ઉઠાવી છે. તો ફિલ્મના ડાયરેક્ટર શુજીત સરકારે તો આ ફિલ્મને રિલીઝ કરવા માટે ઘર વેચવા સુધીની વાત કહી દીધી છે.

બચ્ચનના ફેને શેર કરી હતી ફિલ્મની બે તસવીરો

બન્યું એવું કે, અમિતાભના એક ફેને તેની ફિલ્મ ‘શૂબાઈટ’ની બે તસવીરો શેર કરતા લખ્યું હતું કે, અમે ઈચ્છીએ છીએ કે બિગ બીની આ ફિલ્મ રિલીઝ થાય.

બચ્ચને તેને કરી રીટ્વીટ

તેના પર રીટ્વીટ કરતા અમિતાભે લખ્યું કે, ‘હા… મહેરબાની કરી આંતરિક વિવાદ, લડાઈ કે અંગત મંતવ્યને બાજુએ મૂકો અને શુજીત સરકારની ભારે મહેનતના પ્રેમને બીજા દ્વારા તેમની નવલકથાની કહાની અને ફિલ્મને પ્રશંસા મેળવવાની તક આપો.’

પછી અમિતાભે અપીલ કરતી ટ્વીટ કરી

કેમ અટકી પડી છે ફિલ્મ?

ઉલ્લેખનીય છે કે, ‘શૂબાઈટ’ને પહેલા પરસેપ્ટ પિક્ચર કંપની પ્રોડ્યૂસ કરી રહી હતી, પરંતુ કોઈ વિવાદને કારણે યુટીવી મોશન પિક્ચર્સે આ ફિલ્મના પ્રોડક્શનનું કામ પોતાના હાથમાં લઈ લીધું. તે પછી બંને કંપનીઓ વચ્ચે સમગ્ર મામલો અટકી પડ્યો છે.