સેલિબ્રિટી ફિટનેસ કોચ, બૉડીબિલ્ડર સતમાન ખતરાનું હાર્ટ એટેકથી નિધન

સેલિબ્રિટી ફિટનેસ કોચ, બૉડી બિલ્ડર અને મૉડલ સતનામ ખતરાનું શનિવારે પંજાબના જાલંધરમાં અવસાન થઈ ગયું. તેનું મૃત્યુ હાર્ટ એટેકથી થયું હોવાનું સામે આવ્યું છે. સતનામ 31 વર્ષનો હતો.

સતનામ ખતરાના કોચ રોહિત ખેરાએ સોશિયલ મીડિયા પર તેના અવસાનની જાણકારી આપી. તેમણે જણાવ્યું કે, સેલિબ્રિટી ફિટનેસ કોચ, બૉડી બિલ્ડર અને મૉડલ સતનામ ખતરાનું શનિવારે જલંધરમાં અવસાન થયું છે. તેને હાર્ટ એટેક આવ્યો હતો.

સતનામને શનિવાર વહેલી સવારે સતમાનને એટેક આવ્યો હતો. સતનામ યંગસ્ટર્સમાં ખૂબ જ ફેમસ હતો. ઈન્સ્ટાગ્રામ પર તેને 3.7 લાખથી વધુ લોકો ફોલો કરતા હતા. તે અવારનવાર પોતાના વર્કઆઉટના ફોટોઝ-વિડીયોઝ સોશિયલ મીડિયા પર શેર કરતો રહેતો હતો જેને ફેન્સ ખૂબ પસંદ કરતા હતા.

જણાવી દઈએ કે, ખતરા એક સમયે ડ્રગ એડિક્ટ હતો પણ બાદમાં તેણે આ લત છોડીને ફિઝિકલ ફિટનેસ અને બૉડી બિલ્ડિંગમાં પોતાનું કરિયર બનાવ્યું હતું અને છેલ્લા આઠ વર્ષથી તે આ પ્રૉફેશન સાથે જોડાયેલો હતો.

કેટલાક રિપોર્ટ્સમાં કહેવાઈ રહ્યું છે કે, તેણે લૉકડાઉનના સમયમાં ઑનલાઈન ફિટનેસ ક્લાસિસ પણ ચલાવ્યા હતા. સતનામ છેલ્લા કેટલાક સમયથી સારું ફિલ કરી રહ્યો નહોતો. તે ટૂંક સમયમાં પોતાની ફિટનેસ બ્રાન્ડ ખોલવાના પ્લાનિંગમાં હોવાનું પણ કહેવાઈ રહ્યું છે.