ફેમસ છે ફિલ્મ ઇન્ડસ્ટ્રીના આ ક્યૂટ ચાઇલ્ડ આર્ટીસ્ટ

I am Gujarat

મસમોટી ફી લે છે બાળ કલાકાર

14 નવેમ્બરે સમગ્ર દેશમાં ‘ચિલ્ડ્રન્સ ડે’ ઉજવવામાં આવે છે. બાળકોને લઇને બોલિવૂડમાં અનેક ફિલ્મ્સ પણ બની છે. પરંતુ શું તમને જાણ છે કે ફિલ્મ્સમાં કામ કરનાર આ બાળ કલાકાર કેટલું મહેનતાણું લે છે. જો તમને જાણ નથી તો અમે તમને જણાવીએ છીએ કે એક ફિલ્મ માટે આ બાળ કલાકાર કેટલો ચાર્જ લે છે.

હર્ષાલી મલ્હોત્રા

‘બજરંગી ભાઇજાન’માં મુન્નીનો રોલ કરનાર હર્ષાલી મલ્હોત્રાને દરેક લોકોએ પસંદ કરી હતી. સુંદર ચહેરો અને ક્યૂટ સ્માઇલવાળી આ નાની બાળકીનો ચાર્મ દરેક પર જાદુની જેમ છવાયો હતો. આ ફિલ્મમાં કામ કરવા માટે હર્ષાલીને 1થી 2 લાખ રૂપિયા મળ્યા હતાં.

દિવ્યા ચડવાલ

દિવ્યા ચડવાલે સૌથી પહેલા ‘ઓયે જસ્સી’ અને ‘પિત્ઝા’ મૂવીમાં સિંગિંગ કર્યું હતું. આ પછી ‘કિક’ અને ‘રોકી હેન્ડસમ’ જેવી ફિલ્મ્સમાં કામ કર્યું છે. દિવ્યાને ‘રોકી હેન્ડસમ’માં જ્હોન અબ્રાહમ સાથે કામ કરવાની તક મળી હતી. આ ફિલ્મમાં દિવ્યાને એક દિવસના 25,000 રૂપિયા મળ્યા હતાં અને શૂટિંગ 31 દિવસ સુધી ચાલ્યું હતું. આ ઉપરાંત દિવ્યા કોમર્શિયલ એડમાં પણ જોવા મળે છે. જેમાં તેને એક દિવસના 50,000 મળે છે.

દર્શીલ સફારી

ફિલ્મ ‘તારે જમીન પર’ તમને યાદ જ હશે. આ ફિલ્મમાં ચાઇલ્ડ આર્ટીસ્ટ દર્શીલ સફારીએ જોરદાર એક્ટિંગ કરી હતી. દર્શીલે આ ફિલ્મમાં કામ કરવા માટે એક દિવસના આશરે 50,000 જેટલી ફી લીધી હતી.

હર્ષ માયર

હર્ષ માયરે ‘આઇ એમ કલામ’ જેવી ફિલ્મમાં શાનદાર એક્ટિંગ કરી હતી. હર્ષે આ ફિલ્મમાં એક્ટિંગ કરવા માટે 1 લાખ રૂપિયા ફી લીધી હતી. હર્ષ દરેક શૂટિંગ માટે આટલી જ ફી લે છે. ચાઇલ્ડ આર્ટિસ્ટ તરીકે હર્ષે ઓછા સમયમાં લોકપ્રિયતા મેળવી છે.

પાર્થો ગુપ્તે

પાર્થો ગુપ્તેની પહેલી બોલિવૂડ ફિલ્મ ‘સ્ટેનલી કા ડબ્બા’ હતી. જેના માટે તેને સારા પર્ફોર્મન્સ માટે અનેક એવોર્ડ પણ મળ્યા હતાં. આ પછી પાર્થોની અન્ય એક ફિલ્મ આવી હતી. તે હતી ‘હવા હવાઇ’ પાર્થોને પણ એક દિવસ માટે 20થી 25 હજાર રૂપિયા મળ્યા હતાં.