'રેસ 3'ના સેટ પરથી સલમાને શેર કર્યો વીડિયો, શું છે મેસેજ?

I am Gujarat

સલમાને શેર કર્યો વીડિયો

સલમાન ખાને પોતાની આગામી ફિલ્મ ‘રેસ 3’ના સેટ પરથી એક વીડિયો શેર કર્યો છે. ઈન્સ્ટાગ્રામ પર શેર કરાયેલા આ વીડિયોમાં એક નાનકડું તળાવ દેખાઈ રહ્યું છે.

પટ્ટાયામાં કરી રહ્યો છે શૂટિંગ

તાજેતરમાં જ ફિલ્મના શૂટ માટે બેંગકોંક પહોંચેલો સલમાન હાલ પટ્ટાયાના દરિયાકિનારે ડાન્સ નંબરના શૂટિંગમાં વ્યસ્ત છે. થીમ પ્રમાણે ફિલ્મ એક્શન પેક્ડ તો હશે જ જેમાં કોઈ શંકા નથી. ઉલ્લેખનીય છે કે, સીરીઝની અગાઉની બે ફિલ્મો ખૂબ જ પોપ્યુલર બની હતી જેમાં લીડ રોલમાં સૈફ અલી ખાન જોવા મળ્યો હતો. આ વખતે સલમાનની એન્ટ્રીથી ફિલ્મની આતુરતામાં વધારો થયો છે.

બૉબી દેઓલ ભજવશે નેગેટિવ રોલ

ફિલ્મમાં સલમાન ઉપરાંત જેકલીન ફર્નાન્ડિઝ, અનિલ કપૂર, ડેઝી શાહ, બોબી દેઓલ અને સાકિબ સલીમ પણ મહત્વના રોલમાં જોવા મળશે. ઉલ્લેખનીય છે કે, આ ફિલ્મમાં બૉબી દેઓલ નેગેટિવ રોલમાં દેખાશે. ફિલ્મને સલમાન ખાન ફિલ્મ્સ અને રમેશ તોરાની મળીને પ્રોડ્યૂસ કરી રહ્યાં છે.