ટીવી શો ‘ઈશ્કબાજ’ના સુપરવાઈઝિંગ પ્રોડ્યૂસર સંજય બૈરંગીએ શુક્રવારે મલાડ વેસ્ટના જનકલ્યાણ નગરમાં સિલિકૉન પાર્કની એક ઈમારતના 16મા માળેથી ઝંપલાવી દીધું. જાણકારી અનુસાર, આ ઘટના સાંજે 6.30 કલાકે બની. અત્યાર સુધી મળતી જાણકારી અનુસાર, બૈરંગીને હાર્ટ એટેક આવ્યો હતો જ્યારબાદ તેમણે પોતાનું સંતુલન ગુમાવી દીધું હતું અને નીચે પડ્યાં હતા. જોકે, બાદમાં એવું સાંભળવા મળ્યું કે, આ દુર્ઘટના નહીં પરંતુ આત્મહત્યા છે.
સુસાઈડ નૉટ પણ મળી
થોડા કલાક બાદ જ પોલીસને એક સુસાઈડ નોટ મળી હતી જેને સારી રીતે ચકાસ્યા બાદ પોલીસે જણાવ્યું કે, આ કોઈ મર્ડર કે દુર્ઘટના નથી. બૈરંગીએ પોતે જ પોતાની જિંદગી ટૂંકાવી છે.
આર્થિક તકલીફોથી ઘેરાયેલો હતો સંજય
ગ્લેમર વર્લ્ડ સાથે જોડાયેલી ન્યૂઝ વેબસાઈટ અનુસાર, બૈરંગી આર્થિક તંગીમાંથી પસાર થઈ રહ્યાં હતા અને છેલ્લા ઘણા સમયથી ખૂબ જ નિરાશ હતા. જોકે, એક હકીકત એ પણ છે કે, પોતાની જિંદગી ખતમ કરવાની 10 મિનિટ પહેલા જ બૈરંગીએ કેટલીક સ્પેશિયલ મૉમેન્ટની તસવીરો સોશિયલ મીડિયા પર અપલોડ કરી હતી.
‘ઈશ્કબાજ’ના હીરોએ ન કરી વાત
ટીવી શો ‘ઈશ્કબાજ’માં શિવાયનું પાત્ર ભજવનારા નકુલ મેહતાએ આ ઘટના અંગે કોઈપણ જાતની વાતચીત કરવાની ના પાડી દીધી. રિપોર્ટ અનુસાર નકુલે કહ્યું કે, ‘આ ઘટના અંગે તમે મને પૂછવાને બદલે શોના પ્રોડ્યૂસર ગુલ ખાન સાથે વાતચીત કરશો તો સારું રહેશે.’
શું કહે છે શોના પ્રોડયૂસર
ગુલ ખાને જણાવ્યું હતું કે, ‘સંજય એક સક્ષમ કર્મચારી હતો અને તે જ સંપૂર્ણ પ્રોડક્શન વર્ક સંભાળતો હતો. તે સીધી રીતે મને રિપોર્ટ નહોતો કરતો એટલે તેની મોતનું વાસ્તવિક કારણ હું જાણતો નથી. અમે કાલે તેના અંતિમ સંસ્કારમાં ગયા હતા જે કંઈપણ જોયું તેમાથી હજુ બહાર આવી શક્યા નથી.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.