કન્ટેસ્ટન્ટે વાત ના માનતા સલમાને છોડ્યો 'બિગ બોસ'નો સેટ

I am Gujarat

સલમાને છોડ્યો સેટ

‘બિગ બોસ 11’માં કન્ટેસ્ટન્ટ 5 દિવસ સુધી મનમાની કરે છે. પરંતુ બાકીના બે દિવસે સલમાન ખાન તેમની ક્લાસ લે છે. જોકે, આ વીકેન્ડમાં એવું કંઇક થવાનું છે. જેથી સલમાન ખાનને ભારી ગુસ્સો આવશે અને સેટ છોડીને તે બહાર ચાલ્યો જશે. જોકે, આ પહેલીવાર નથી જ્યારે સલમાન ખાન સેટ છોડીને બહાર જતો રહ્યો હોય. આ પહેલા પણ સલમાન ખાન આવું કરી ચૂક્યો છે.

આકાશ અને પુનીષ વચ્ચે તિરાડ

આ અઠવાડીયે આકાશ દદલાણી અને પુનીષ શર્માની દોસ્તીમાં તિરાડ પડી છે. હકીકતમાં પુનીષ પોતાના દોસ્તને કોઇ કારણોસર કેપ્ટન બનાવવામાં નિષ્ફળ જાય છે. જેથી બન્ને વચ્ચે ઝઘડો વધી જાય છે. આ લડાઇને અટકાવવા માટે સલમાન બન્નેને ‘બિગ બોસ’ના અખાડામાં ઉતારે છે.

ગુસ્સે થાય છે સલમાન

પરંતુ સલમાન તેને લડવા માટે નહીં પરંતુ બન્નેને એકબીજાને ગળે મળવાનું કહે છે. પુનીષ આ માટે રાજી થઇ જાય છે પરંતુ આકાશ દદલાણી સલ્લુની વાત માનવાની ના પાડે છે. સલમાન ખાન તેને વિનંતી કરે છે પરંતુ આકાશ તેની વાત માનવાની ના પાડે છે. આખરે સલમાન આકાશને કહે છે કે તે ટાસ્ક હારી ચૂક્યો છે અને અખાડામાંથી ડિરેક્ટ બહાર નીકળી જાય.