વેબ સીરિઝ Panchayat 2 તાજેતરમાં રીલિઝ થઈ છે. આ સીરિઝની ચર્ચા દેશભરમાં ચાલી રહી છે. લાંબા સમયથી લોકો સિઝન 2ની રાહ જોઈ રહ્યા હતા. આ સીરિઝમાં ફુલેરા ગામની એક સ્ટોરી દર્શાવવામાં આવી છે. આ ગામના લોકોની સાદગી, સમસ્યાઓ અને તેનું નિરાકરણ લાવવાનો પ્રયત્ન કરતા પ્રધાનજી અને સચિવજી. આ તમામ વિષયોની ચર્ચા સોશિયલ મીડિયા પર પણ ખૂબ થઈ રહી છે. હવે લોકો જિતેન્દ્ર કુમારને સચિવ જી, ચંદન રોયને વિકાસના નામથી ઓળખે છે.
પંચાયત 2ની સ્ટોરી સંપૂર્ણપણે ગ્રામ્ય વિસ્તાર પર આધારિત છે. આ ગામ ઉત્તર પ્રદેશના બલિયાના ફકૌલી ક્ષેત્રના ફુલેરા ગામ છે. આ સીરિઝ કોઈ સેટ પર નહીં ગામમાં જ શૂટ કરવામાં આવી છે. પંચાયત 1 અને પંચાયત 2 સીરિઝ મધ્ય પ્રદેશના સિહોર સ્થિત મહોદિયા ગામમાં શૂટ કરવામાં આવી છે. શૂટ માટે આખી ટીમ લગભગ બે મહિના સુધી અહીં રહી હતી. પંચાયતમાં રઘુબીર યાદવ, નીના ગુપ્તા, સાન્વિકા, જિતેન્દ્ર કુમાર, ચંદન રોય, ફૈસલ મલિક અને દુર્ગેશ કુમાર સહિત અનેક કલાકાર છે. આ તમામ કલાકાર બે મહિના સુધી મહોદિયા ગામમાં રોકાયા હતા.
ઉલ્લેખનીય છે કે આ સીરિઝમાં ગામના લોકોને પણ કાસ્ટ કરવામાં આવ્યા હતા. તેમને પણ નાના-મોટા રોલ આપવામાં આવ્યા છે. હવે આ ગામને લોકો ફુલેરા નામથી ઓળખવા લાગ્યા છે. મહોદિયા એક ગ્રામ પંચાયત છે. લોકો મેપ પર આ ગામ શોધીને ટ્વિટર પર તેની જાણકારી પણ શેર કરી રહ્યા છે. મેપમાં પાણીની ટાંકીથી લઈને મંદિર સુધી તમામ સ્થળો સ્પષ્ટ જણાઈ રહ્યા છે.
સચિવ જી એટલે કે અભિષેક ત્રિપાઠીનું પાત્ર ભજવનાર અભિનેતા જિતેન્દ્ર કુમારે પણ આ ગામની તસવીરો અને વીડિયો શેર કર્યા છે, જેમાં ગામની પંચાયતથી લઈને ફાનસ, ટાંકી, ભેંસ. ચારો કાપવાનું મશીને વગેરે જણાઈ રહ્યા છે. આ સિવાય જિતેન્દ્રએ બિહાઈન્ડ ધ સીન વીડિયો પણ શેર કર્યા છે, જેમાં તે ગામના કોઈ મહિલા સાથે તસવીર લઈ રહ્યા છે તેમજ બાળકો પાસેથી સાઈકલ લઈને મજા કરી રહ્યો છે. પંચાયત 2માં રઘુબીર યાદવે પ્રધાન પતિ, નીના યાદવે પ્રધાનનો રોલ પ્લે કર્યો છે. ચંદન રોય પંચાયત ઓફિસના આસિસ્ટન્ટ વિકાસના રોલમાં અને ફૈસલ મલિકે ઉપ-પ્રધાનના રોલમાં સૌના દિલ જીત્યા છે. પ્રધાનજીની દીકરી રિન્કીના રોલમાં સાન્વિકાએ પણ સારું કામ કર્યું છે.