રિયા ચક્રવર્તીની સુપ્રીમ કોર્ટમાં અરજી, સુશાંતના કેસમાં કરી આ માગણી

બોલિવૂડ એક્ટર સુશાંત સિંહ રાજપૂતના મોત કેસમાં ત્યારે નવો વળાંક આવી ગયો જ્યારે એક્ટરના પિતા કે કે સિંહે એક્ટ્રેસ રિયા ચક્રવર્તી અને તેના પરિવારજનો વિરુદ્ધ FIR નોંધાવી. તેમણે રિયા પર છેતરપિંડી, ષડયંત્ર અને સુશાંતને આત્મહત્યા માટે ઉશ્કેરવા જેવા ગંભીર આરોપ લગાવ્યા.

હવે આ કેસમાં રિયાએ સુપ્રીમ કોર્ટમાં અરજી દાખલ કરી છે. તેણે માગણી કરી છે કે, બિહારમાં નોંધાયેલી FIRની તપાસ મુંબઈ ટ્રાન્સફર કરવામાં આવે જ્યાં પહેલેથી જ આ કેસની તપાસ ચાલી રહી છે. તેનું કહેવું છે કે, પોલીસ એક કેસની તપાસ બે જગ્યાએ ન કરી શકે.

એક જ કેસમાં બે જગ્યાએ કેસ નોંધાવવો ગેર-કાયદેસર

રિયાના વકીલ સતીશ મનશિંદેએ જણાવ્યું કે, જ્યારે પહેલેથી મુંબઈમાં તપાસ ચાલી રહી છે અને તેની પૂરી જાણકારી લોકોને છે તો બિહારમાં આ જ કેસમાં એક જ ઘટના પર કેસ નોંધવાનો ગેર-કાયદેસર છે. આ સુપ્રીમ કોર્ટના જૂના નિર્ણયોની અવમાનના છે. સુપ્રીમ કોર્ટે એવા ઘણા ચુકાદા આપ્યા છે જેમાં કોર્ટે એક કેસમાં ઘણા રાજ્યો નોંધાયેલી FIRને સૌથી પહેલા તપાસ શરૂ કરનારા રાજ્યની પોલીસને ટ્રાન્સફર કર્યો છે.

રિયા અંગે સુશાંતના સંબંધીને શંકા

જણાવી દઈએ કે, પહેલા રિયાના વકીલ સતીશ મનશિંદને મંગળવાર રાતે એક્ટ્રેસના ઘરે જતા જોવામાં આવ્યા હતા. આના પર સુશાંતના એક નજીકના સંબંધીએ રિયા અંગે શંકા વ્યક્ત કરી. તેમણે સવાલ ઉઠાવ્યો કે જો રિયાએ કોઈ ક્રાઈમ નથી કર્યું તો આગોતરા જામીનની શું જરૂર છે. તેમણે CBI તપાસની માગણી કરતા કહ્યું કે, રિયાએ અત્યારે ચાલી રહેલી તપાસમાં સહયોગ કરવો જોઈએ અને તેણે સુશાંતની જે પણ વસ્તુઓ પોતાના કબજામાં લઈ રાખી છે તેને પરત કરી દેવી જોઈએ.

સુશાંતના પિતાએ રિયા પર લગાવ્યા આરોપ

જણાવી દઈએ કે, જે FIR રિયા અને તેના પરિવારજનો વિરુદ્ધ કરવામાં આવી છે તે અનુસાર એક્ટ્રેસે સુશાંતની ઘણી વસ્તુઓ પોતાના પાસે રાખી છે. આમાં તેના કેશ, જ્વેલેરી, લેપટૉપ્સ અને જરૂરી દસ્તાવેજ શામેલ છે. સુશાંતના પિતાએ એક્ટ્રેસ પર એવો આરોપ પણ લગાવ્યો કે, તેણે સુશાંતને પરિવારથી દૂર કર્યો.