વરમાળા પહેરાવતા ભાવુક થઈ હતી શ્વેતા, આદિત્યએ આ રીતે રાખી હતી શાંત

જ્યારે લગ્નની વાત આવે ત્યારે, આપણે બધા પોતાની સ્ટાઈલમાં ડાન્સ કરતાં હોઈએ છીએ. જે ક્યારેક ફની પણ હોય છે. તમે પણ કેટલાક લોકોને જાનમાં નાગિન ડાન્સ તો કેટલાકને ફ્લોર ડાન્સ કરતાં જોયા હશે. પહેલી ડિસેમ્બરે સિંગર-એક્ટર આદિત્ય નારાયણના લગ્ન હતા, ત્યારે તેણે વરઘોડા દરમિયાન ડાન્સ કર્યો હતો. જેનો વીડિયો સામે આવ્યો છે. આ વીડિયોમાં તે લેપ ડાન્સ કરતો જોવા મળી રહ્યો છે.


લગ્નહોલમાં પ્રવેશ કરતાં પહેલા આદિત્ય ઢોલ પર બેસીને નાચતો દેખાયો. આદિત્યએ પોતાના લગ્નમાં ક્રીમ કલરની શેરવાનીની સાથે ગ્રીન પર્લ જ્વેલરી પહેરી હતી. વીડિયોના બેકગ્રાઉન્ડમાં 'દુલ્હનિયા કી ડોલી લે જાયેંગે દુલ્હે રાજા' સોન્ગ પણ વાગી રહ્યું છે.


આદિત્ય નારાયણે ઈન્સ્ટાગ્રામ હેન્ડલ પર વરમાળો વીડિયો શેર કર્યો છે. જેમાં શ્વેતા પહેલા આદિત્યને ફુલનો હાર પહેરાવી દે છે, પરંતુ જ્યારે આદિત્યનો વારો આવે છે ત્યારે શ્વેતાના પરિવારના લોકોને તેને ઉંચકી લે છે. આ બાબતમાં આદિત્યના મિત્રો પણ પાછળ હટી જાય તેવા નહોતા, તેમણે પણ આદિત્યને ઉંચકી લીધો અને તેણે હાર પહેરાવી દીધો. આદિત્યને હાર પહેરાવતી વખતે શ્વેતા થોડી ભાવુક થઈ ગઈ હતી. જો કે, આદિત્યએ તેને થોડું વ્હાલ કરીને શાંત પાડી હતી.

આ વીડિયો ખૂબ જ સુંદર છે પરંતુ તેના અંતમાં એક ટ્વિસ્ટ છે. આદિત્યએ સફળતાપૂર્વક હાર પહેરાવની દેતાં વીડિયોમાં પાછળ અમિતાભ બચ્ચનની એક ક્લીપ અટેચ કરવામાં આવી છે, જેમાં તેઓ કહી રહ્યા છે કે, 'આપણા છોકરાએ કરી બતાવ્યું'. આદિત્યએ આ વીડિયો એડિટ કરનારનો આભાર પણ માન્યો છે.


આ સિવાય આદિત્યે લેડી લવ શ્વેતા અગ્રવાલ સાથેની તસવીર શેર કરી છે. જે પ્રી-વેડિંગ ફંક્શન દરમિયાનની છે. જેમાં બંને આંખોમાં આંખો નાખીને એકબીજામાં ખોવાયેલા દેખાઈ રહ્યા છે.


આદિત્ય નારાયણના એક ફેન પેજે અન્ય એક વીડિયો શેર કર્યો છે. જેમાં તે લગ્ન કરતા પહેલા પેટપૂજા કરતો દેખાઈ રહ્યો છે. આ વીડિયોની સાથે લખ્યું છે કે, 'લગ્ન પછી થશે, પહેલા આ જમશે'.

આપણને જણાવી દઈએ કે, 10 વર્ષ સુધી રિલેશનશિપમાં રહ્યા બાદ આદિત્ય અને શ્વેતાએ લગ્ન કર્યા છે. બંનેની મુલાકાત તેમની ડેબ્યૂ ફિલ્મ 'શાપિત'ના સેટ પર થઈ હતી. જે બાદ બંનેએ ડેટિંગ કરવાનું શરુ કર્યું હતું. ગઈકાલે મંદિરમાં લગ્ન કર્યા બાદ આદિત્ય અને શ્વેતાનું આજે નાનકડું રિસેપ્શન પણ યોજાવાનું છે.