પ્રેગ્નેન્સીમાં અનિતા હસનંદાનીએ માણ્યો પાણીપુરીનો સ્વાદ, પોતાને ગણાવી 'મિર્ચી લવર'

મોમ-ટુ-બી અનિતા હસનંદાની સોશિયલ મીડિયા પર ખાસ્સી એક્ટિવ જોવા મળી રહી છે. આવતા મહિને એટલે કે ફેબ્રુઆરી મહિનામાં તે બાળકને જન્મ આપવાની છે. તે પોતાની રુટિન લાઈફ સાથે જોડાયેલી અપડેટ સતત ફેન્સ સાથે શેર કરતી રહે છે. હવે તેણે ચટપટી પાણીપુરીનો સ્વાદ માણતો વીડિયો શેર કર્યો છે. આ વીડિયોમાં જે રીતે તે ચટકારો લઈ રહી છે, તે જોઈને ભલભલાના મોંમાં પાણી આવી જાય.


અનિતા હસનંદાનીએ જે વીડિયો શેર કર્યો છે, તેમાં તે પ્રેગ્નેન્સી ક્રેવિંગ સંતોષી રહી છે. તે તીખા અને ગળ્યા પાણી સાથે પાણાપુરીની મજા લઈ રહી છે. પ્લેટમાં એક બાઉલમાં બટાકા-મગનો મસાલો છે. થોડી પકોડીમાં મસાલો ભર્યો છે. ગ્લાસમાં પાણીપુરી અને બાઉલમાં ગળ્યું પાણી ભર્યું છે. તે એક બાદ એક પાણીપુરી ઉપાડે છે અને ખાવા લાગે છે. આ સાથે તેણે લખ્યું છે કે, 'પ્રેગ્નેન્સી દરમિયાન #Digene સાથે મારે ગંભીર રિલેશનશિપ છે. #MirchiLover'.

અનિતા હસનંદાનીનો આ વીડિયો તેના ફેન્સ અને ઈન્ડસ્ટ્રીની કેટલીક ફ્રેન્ડ્સને ખૂબ પસંદ આવ્યો છે. સુપ્રીયા શુક્લાએ કોમેન્ટ કરીને લખ્યું છે કે, 'હંમેશા સારું ખાતી રહે. તમે ખૂબ બધો પ્રેમ મોકલી રહી છું'. સૃષ્ટિ રોડેએ લખ્યું છે કે, 'હાહાહાહા તુ ક્યૂટ છે'.


અનિતા હસનંદાની ઈન્ડસ્ટ્રીના તેવા સેલેબ્સમાંથી એક છે, જેના માટે 2020નું વર્ષ ફળદાયી રહ્યું. લોકડાઉન દરમિયાન એક્ટ્રેસે પોતાની પ્રેગ્નેન્સીના સમાચાર ફેન્સ સાથે શેર કર્યા હતા. ઈન્સ્ટાગ્રામ પર પણ તે બેબી બમ્પ સાથેની તસવીરો અને વીડિયો શેર કરતી રહે છે.


હાલમાં અમારા સહયોગી ઈટાઈમ્સ સાથેની વાતચીતમાં અનિતાએ જણાવ્યું હતું કે, 'મારું છેલ્લું ટ્રાયમેસ્ટર ચાલી રહ્યું છે એટલે હવે ડ્યૂ ડેટ નજીક છે. હું ખૂબ ઉત્સુક, નર્વસ, તણાવયુક્ત છું. અનેક મિશ્ર લાગણીઓ છે. પરંતુ હું મારા જીવનના નવા તબક્કાને માણવા માટે આતુર છું. બાળકને જન્મ આપવા માટે અધીરી થઈ છું. રોહિત પણ ખૂબ ઉત્સાહિત છે. તે ખૂબ વાંચી રહ્યો છે, બાળકો અંગેની બાબતો સમજી રહ્યો છે. તે બધી જ સાચી વસ્તુઓ કરી રહ્યો છે, મને પંપાળે છે-વહાલ કરે છે અને મારા માટે ભોજન ઓર્ડર કરે છે'.

ઉલ્લેખનીય છે કે, રોહિત રેડ્ડી અને અનિતા હસનંદાનીએ 2013માં ગોવામાં લગ્ન કર્યા હતા. હવે 2021માં કપલના બાળકનો જન્મ થવાનો છે.